भारतीय कृषी निर्यातीत चालू आर्थिक वर्षाच्या एप्रिल ते नोव्हेंबरमध्ये 10 टक्क्यांची घट झाली आहे. बासमती तांदळाच्या निर्यातीत वाढ झाली आहे. परंतु गैर-बासमती तांदळाच्या निर्यातीत निर्बंधांमुळे घट झाली आहे.दुग्धजन्य पदार्थ ,तांदूळ आणि गहू निर्यातीतही घट झाली. कृषी प्रक्रिया केलेले अन्न उत्पादने निर्यात विकास प्राधिकरण (APEDA) ने कृषी निर्यातीचा डेटा जाहीर केला आहे.
बासमती तांदूळ ,फळे – भाज्यांच्या निर्यातीत वाढ ..
कृषी निर्यात एप्रिल ते नोव्हेंबर या कालावधीत एकूण 15.729 अब्ज डॉलर होती. मागील वर्षीची याच कालावधीतील कृषी निर्यात 17.425 अब्ज डॉलर इतकी होती ,म्हणजेच या वर्षीच्या तुलनेत 9.73 टक्के कमी आहे. बासमती तांदळाच्या निर्यातीत 17.58 टक्क्यांनी वाढ गेल्या वर्षीच्या याच कालावधीच्या तुलनेत झाली आहे आणि 2023-24 च्या या आर्थिक वर्षाच्या एप्रिल-नोव्हेंबर या कालावधीत इराक आणि सौदी अरेबिया येथील खरेदीदारांनी जास्त खरेदी केल्यामुळे 3.7 अब्ज डॉलर इतका निर्यातीचा आकडा झाला आहे.. जो याच कालावधीत मागील वर्षी 2.87 अब्ज डॉलर्स होता. बासमती तांदळाच्या निर्यातीत 9.6 टक्क्यांनी वाढ होऊन ती आता 29.94 लाख टनांवर गेली आहे. जी मागील वर्षी याच कालावधीत 27.32 लाख टन होती.फळे – भाज्यांच्या निर्यातीत मात्र २० टक्क्यांनी वाढ झाली आहे.
गैर-बासमती तांदळाची निर्यात घटली..
सरकारने गेल्या वर्षी तांदळाची देशांतर्गत उपलब्धता सुधारण्यासाठी आणि किमती वाढीवर नियंत्रण ठेवण्यासाठी जुलैमध्ये निर्यात निर्बंध लादले होते त्यामुळे एक चतुर्थांश इतकी गैर-बासमती तांदळाच्या शिपमेंटमध्ये घट झाली आहे.गैर-बासमती तांदळाची निर्यात एप्रिल ते नोव्हेंबर या कालावधीत 3.07 अब्ज डॉलर होती, जी गेल्या वर्षीच्या 4.10 बिलियन डॉलरपेक्षा जास्त आहे.गव्हाची निर्यात मागील वर्षी 1.50 अब्ज डॉलर इतकी होती . या वर्षी गव्हाची निर्यात 98 टक्क्यांनी घसरुन 29 दशलक्ष डॉलर झाली आहे.
पोल्ट्री उत्पादनांची निर्यात वाढ ..
एप्रिल ते नोव्हेंबर या कालावधीत मांस आणि पोल्ट्री उत्पादनांची निर्यात 6.31 टक्क्यांनी वाढून 2.88 अब्ज डॉलर झाली आहे, मागील वर्षी च्या कालावधी मध्ये ती 2.70 अब्ज डॉलर होती. म्हशीच्या मांसाची निर्यातीत 13 टक्क्यांनी वाढ होऊन 2.40 अब्ज डॉलर झाली आहे. जी आर्थिक वर्ष 2022-23 च्या एप्रिल ते नोव्हेंबरमध्ये 2.17 अब्ज डॉलर होती. पोल्ट्री उत्पादना मध्ये सुमारे 39 टक्क्यांनी वाढ झाली असून 113 दशलक्ष डॉलर्सची नोंद झाली. तर, दुग्धजन्य पदार्थांची निर्यात 32.86 टक्क्यांनी घसरून 283 दशलक्ष डॉलर ची नोंद झाली आहे.
