राज्यामध्ये शेतकऱ्यांना खरीप हंगामाच्या काळात युरिया आणि डीएपी खत कमी पडू नये या साठी कृषिमंत्री धनंजय मुंडे यांनी युरिया आणि डीएपीचा संरक्षित साठा करण्यात यावा, अशा सूचना केल्या आहेत .
आयोजित केलेल्या बैठकीमध्ये युरिया व डीएपी खताचा सन 2024 च्या खरीप हंगामामध्ये संरक्षित साठा करण्याच्या नियोजनासाठी ते बोलत होते. या झालेल्या बैठकीमध्ये कृषी आयुक्त डॉ. प्रवीण गेडाम, कृषी विभागाचे अपर मुख्य सचिव अनुपकुमार, महाराष्ट्र कृषी व उद्योग विकास महामंडळाचे महेंद्र बोरसे ,विदर्भ मार्केटिंग फेडरेशनचे अरुण दलाल, तसेच कृषी विभागाचे अधिकारी उपस्थित होते.
खरीप हंगामातील जून व जुलै महिन्यात युरिया व डीएपी खतांची आवक मागणीपेक्षा कमी होण्याची शक्यता असते. त्यामुळे संभाव्य तुटवडा भासू नये म्हणून संरक्षित साठा करावा.असे कृषी मंत्री मुंडे म्हणाले .
निधीची तरतूद करण्यात येईल.
एप्रिल 2024 ते ऑगस्ट 2024 या कालावधी मध्ये राज्यामध्ये दीड लाख टन व 0.25 लाख मीटर डीएपी खताचा संरक्षित साठा करण्यासाठी नोडल एजन्सींना खत साठवणूक, जीएसटी सेवा शुल्क ,वाहतूक विमा खताची चढाई उतराई, इत्यादी अनुषंगिक खर्चासाठी निधीची तरतूद करण्यात येणार आहे . संरक्षित साठा करण्यासाठी महाराष्ट्र स्टेट को-ऑपरेटिव्ह मार्केटिंग फेडरेशन ,विदर्भ को-ऑपरेटिव्ह मार्केटिंग फेडरेशन या संस्थां, महाराष्ट्र कृषी उद्योग विकास महामंडळ नी आवश्यक ती कार्यवाही करावी, अशा सूचना कृषीमंत्री धनंजय मुंडे यांनी यावेळी दिल्या
