राज्यात पिकांना पाण्याच्या शाश्वत उपलब्धतेचा विचार करून दुष्काळी स्थितीत शेतकऱ्यांनी मागेल त्याला शेततळे योजनेस चांगला प्रतिसाद दिला आहे.  मागील वर्षी 2023 – 24 मध्ये शेततळ्यासाठी प्राप्त 106 कोटी रुपयांपैकी शेतकऱ्यांना अनुदानाचे सुमारे 97 कोटी रुपयांचे वितरण करण्यात आले आहे .

तर एकूण 14 हजार  142 शेतकऱ्यांची शेततळ्याची उभारणी पूर्ण झाली असून नव्याने उभारलेल्या शेततळ्यांमुळे 28 हजार 244 हेक्टर क्षेत्र ओलिताखाली येणार असल्याची माहिती कृषी विभागाच्या मृत संधारण व पाणलोट क्षेत्र व्यवस्थापनाचे संचालक आर जे भोसले यांनी दिली . पडणाऱ्या पावसाचे पाणी साठवून ठेवून सुरक्षित सिंचनाची सोय म्हणून शेततळी फायदेशीर आहेत.

छत्रपती शिवाजी महाराज कृषी योजनेतून मुख्यमंत्री शाश्वत कृषी सिंचन योजना मागेल त्याला शेततळे योजनेत वैयक्तिक शेततळ्यांची योजना राबविण्यात येते. अद्याप १ हजार १७० शेततळ्यांसाठीचे नऊ कोटीचे वाटपही हे संबंधित अर्जांच्या छाननी नंतर करण्यात येईल . योजनेची अंमलबजावणी महाडीबीटी पोर्टलच्या माध्यमातून करण्यात येत असल्याचे त्यांनी सांगितले.

अहमदनगरचा डंका…

राज्यामध्ये गतवर्षात सर्वाधिक म्हणजे 328 शेततळी उभारून अहमदनगर जिल्ह्याचे अग्रस्थान पटकावले असल्याची माहिती मृदयासंधारणचे सहसंचालक पांडुरंग शेळके यांनी दिली ते म्हणाले 2 हजार 211 शेततळ्यांसह नाशिक दुसऱ्या स्थानावर आहे.  त्या खालोखाल सोलापूर 1566 ,सांगली 1331, पुणे 904 ,छत्रपती संभाजीनगर 744, सातारा 287, धाराशिव 205 ,कोल्हापूर 168, धुळे 153 ,लातूर 103, रायगड 98, अकोला 96 ,ठाणे 88 ,पालघर 84.