कळमना धान्य बाजारामध्ये हरभरा ५००, तर गव्हात १०० रुपयांची वाढ तूरीसोबत तूर डाळीच्या किमतीतही वाढ होत आहे. कळमना धान्य बाजारात केवळ दोनच दिवसामध्ये तूर डाळीचे भाव एक हजार,आणि मिल क्वालिटी गव्हाचे भाव प्रति क्विंटल १०० रुपयांनी तर हरभरा ५०० रुपये वाढले आहेत. यावर्षी उत्पादन कमी असल्याने भाववाढीचे कारण सांगितले जात आहे.
कळमन्यामध्ये शनिवारी प्रति क्विंटल भावाने एक हजाराच्या दरवाढीसह तूरीचे भाव ११,५०० ते १२,९५० रुपये सौदे झाले. तूरीच्या एक हजार पोत्यांची दररोज
आवक आहे.गव्हाच्या भावातही तेजी आली आहे . प्रति क्विंटल १०० रुपयांनी मिल क्वालिटीचे भाव वाढून २,४०० ते २,६०० रुपयांवर पोहोचले आहे . तसेच प्रति क्विंटल ५०० रुपयांची वाढ हरभऱ्याची झाली आहे भाव दर्जानुसार ६,५०० ते ६,९०० रुपये मिळत आहे . २ हजार पोत्यांची दररोज आवक आहे.असे धान्य बाजार असोसिएशनचे पदाधिकारी कमलाकर घाटोळे यांनी माहिती दिली .
घाटोळे म्हणाले, जानेवारी महिन्यामध्ये अर्थात हंगामाच्या सुरुवातीला तूर ८ हजार रुपय होती , हरभरा ५,५०० रुपये फेब्रुवारीमध्ये होता आणि मार्च महिन्या मध्ये गव्हाची २,२०० ते २,३०० रुपयांदरम्यान विक्री झाली. पुढे भाव कसे राहतील , हे पुरवठ्यावर अवलंबून राहणार आहे .
