महाराष्ट्र मुख्यमंत्री तीर्थ दर्शन योजना: महाराष्ट्रात मुख्यमंत्री तीर्थ दर्शन योजनेंतर्गत आता ६० वर्षांवरील ज्येष्ठ नागरिक मोफत तीर्थयात्रेला जाऊ शकणार आहेत. यामध्ये तुम्हाला 30,000 रुपयांचा फायदा मिळेल.
महाराष्ट्र मंत्रिमंडळाने ज्येष्ठ नागरिकांना मोफत तीर्थयात्रा ‘मुख्यमंत्री तीर्थ दर्शन योजने’अंतर्गत उपलब्ध करून देण्याच्या प्रस्तावाला गुरुवारी मंजुरी दिली आहे. तीर्थयात्रा योजनेंतर्गत प्रत्येक ज्येष्ठ नागरिकाला जास्तीत जास्त 30,000 रुपयांचा लाभ मिळेल.असे एका अधिकाऱ्याने सांगितले.या योजनेचा लाभ 2.5 लाख रुपयांपर्यंत वार्षिक उत्पन्न असलेले 60 वर्षांवरील नागरिक घेऊ शकतात.
‘मुख्यमंत्री वारकरी महामंडळ’ स्थापन करण्यासही यात्रेकरूंच्या कल्याणासाठी मंत्रिमंडळाने मान्यता दिली. शेतकऱ्यांसाठी मंत्रिमंडळाने मोफत वीज योजनेंतर्गत 7,775 कोटी रुपयांच्या अतिरिक्त खर्चास मान्यता दिली आहे. या योजनेचा लाभ एकूण 44 लाख शेतकऱ्यांना होणार आहे.मातंग समाजासाठी कौशल्य प्रशिक्षण संस्था स्थापन करण्यात येणार असल्याचे या अधिकाऱ्याने सांगितले.
कापूस आणि सोयाबीन पीक २ हेक्टरपर्यंतच्या क्षेत्रात घेणाऱ्या शेतकऱ्यांना प्रति हेक्टर 1,000 रुपये व खरीप हंगामासाठी प्रति हेक्टर 5,000 रुपये प्रोत्साहन देण्यास मान्यता मंत्रिमंडळाने दिली आहे.
शेतकऱ्यांसाठी मोफत वीज योजनेला मंजुरी..
राज्यातील शेतकऱ्यांसाठी शिंदे सरकारच्या मंत्रिमंडळाने मोफत वीज योजनेसाठी 7,775 कोटी रुपयांच्या अतिरिक्त खर्चास मंजुरी दिली आहे. राज्यातील 44 लाख शेतकऱ्यांना याचा फायदा होणार आहे. यासोबतच खरीप हंगामासाठी कापूस व सोयाबीन उत्पादक शेतकऱ्यांना २ हेक्टरपर्यंत पिकांसाठी एक हजार रुपये आणि २ हेक्टरपेक्षा जास्त पिकांसाठी ५ हजार रुपये प्रति हेक्टर अनुदान मंजूर करण्यात आले आहे.
विरार-अलिबाग मल्टी मॉडेल कॉरिडॉर आणि पुणे रिंगरोडसाठी भूसंपादनासाठी 27,750 कोटी रुपयांचे कर्जही मंत्रिमंडळाच्या आणखी एका निर्णयानुसार, घेतले जाणार आहे.
