आता लाडकी बहीण योजनेसाठी सप्टेंबर महिन्यापर्यंत अर्ज करता येणार आहेत. ज्या महिलांच्या अर्जात काही अडचणी आल्या आहेत किंवा कोणी अर्ज भरायचे राहिले आहेत त्यांच्यासाठी ही मुदत वाढविण्यात आली आहे अशी घोषणा मुख्यमंत्री एकनाथ शिंदे यांनी गुरुवारी केली.
‘लाडकी बहीण योजना सुरु केल्यानंतर तुमच्या सावत्र भावांनी या योजनेचि टीका केली. ही योजना पूर्ण होणार नाही , अशा नकारात्मक गोष्टी पसरवल्या; परंतु आता या योजनेचा लाभ मिळाल्यानंतर विरोधकांना चांगलाच घाम फुटला आहे. मुखमंत्री शिंदे यांच्या हस्ते कुळगाव बदलापूर नगरपालिकेच्या नव्या प्रशासकीय इमारतीचे उद्घाटन करण्यात आले. त्यावेळी मुखमंत्री शिंदे बोलत होते .
आम्ही सप्टेंबरपर्यंत ‘लाडकी बहीण योजनेची मुदत वाढवली असून,महिलांच्या खात्यात येत्या १७ तारखेपर्यंत योजनेचे दोन महिन्यांचे एकत्रित हप्ते असे एकूण ३,००० रुपये जमा होतील, असे जाहीर करण्यात आले होते; मात्र आतापर्यंत जवळपास ३३ लाख महिलांच्या खात्यामध्ये ही रक्कम जमा झाली आहे. त्यामुळे १७ तारखेपर्यंत बाकीच्या लाभार्थी महिलांच्या खात्यामध्ये देखील रक्कम जमा होणार आहे.जे बोलते ते करते हे सरकार . कोट्यवधींमध्ये लोळणाऱ्यांना दीड हजार रुपयाची किंमत नाही; परंतु आमचे कुटुंब चालवताना माझ्या आईला जे कष्ट करावे लागले ते कष्ट मी पाहिले आहेत. त्यामुळे या १५०० ची किंमत मी जाणतो,’ असा टोला विरोधकांना मुख्यमंत्र्यांनी या वेळी लावला आहे.
या उद्घाटनाच्या वेळी पालिकेचे मुख्याधिकारी खासदार सुरेश ऊर्फ बाळ्यामामा म्हात्रे, मारुती गायकवाड, आमदार डॉ. बालाजी किणीकर, आमदार किसन कथोरे,अंबरनाथ शहरातील माजी लोकप्रतिनिधी ज्ञानेश्वर म्हात्रे, शिवसेना शहरप्रमुख वामन म्हात्रे, तसेच बदलापूर व शिवसेनेचे तमाम महिला, पुरुष पदाधिकारी, कार्यकर्ते उपस्थित होते.
लाडक्या बहिणीशी संवाद..
दूरदृश्यप्रणालीद्वारे मुख्यमंत्री एकनाथ शिंदे यांनी मुख्यमंत्री-माझी लाडकी बहीण योजनेचा आढावा घेतला. ठाणे जिल्ह्यातील मानपाडा येथे मुख्यमंत्री एकनाथ शिंदे यांच्याशी सुनीता गाडेकर यांनी संवाद साधला. त्यांनी मुख्यमंत्री एकनाथ शिंदे यांना धन्यवाद देऊन त्यांचे आभार मानले. जिल्हा प्रशासनाने यासाठी मदत केली, असेही या वेळी त्या म्हणाल्या.
