२०२५ वर्ष संपत असताना नववर्षाच्या सुरुवातीस केवळ नवीन कॅलेंडरच नव्हे, तर अनेक महत्त्वाचे नियमबदल लागू होणार असून त्याचा थेट परिणाम शेतकरी, नोकरदार, युवक आणि सर्वसामान्य नागरिकांवर होणार आहे. आर्थिक, डिजिटल आणि सामाजिक क्षेत्रांतील या बदलांमुळे दैनंदिन व्यवहारांपासून भविष्यातील नियोजनापर्यंत अनेक बाबींमध्ये नव्या पद्धती स्वीकाराव्या लागणार आहेत. विशेषतः १६ वर्षांखालील मुलांसाठी सोशल मीडियावर वयोमर्यादा व पालक नियंत्रण लागू करण्याचा विचार सुरू असल्याने ऑनलाइन सुरक्षिततेवर अधिक भर दिला जाणार आहे.