मुख्यमंत्र्यांची भन्नाट योजना! बालकांवर मोफत शस्त्रक्रियेची सोय ‘या’ क्रमांकावर कॉल करा, मिळतील २० गंभीर आजारांसाठी २५००० ते २ लाख रुपये;

मुख्यमंत्री वैद्यकीय सहाय्यता कक्षाला ८६५०५६७५६७ या  टोल फ्री क्रमांक वर कॉल केल्यास आपल्याला काही सेकंदात मेसेज येतो.  त्यामध्ये वैद्यकीय मदतीसाठी कोणती कागदपत्रे लागतात.  किती मदत मिळते त्याअंतर्गत  किती व कोणते आजार आहेत.  याची संपूर्ण यादीच आपल्या मोबाईलवर येते . अर्ज केल्यानंतर काही दिवसातच मुख्यमंत्री वैद्यकीय समितीच्या शिफारसीनुसार संबंधित रुग्णालयांमध्ये अर्थसहाय्य केले जाते.  रुग्णासाठी आता काही दिवसातच महात्मा फुले जन आरोग्य योजना व आयुष्मान भारत योजनेअंतर्गत प्रत्येकाला पाच लाखापर्यंत मोफत उपचार मिळणार आहेत . मागील दीड वर्षापासून राज्यातील असंख्य गरजूंना मुख्यमंत्री वैद्यकीय सहाय्यता निधींचा मोठा आधार मिळाला आहे. 

या बाबींची आवर्जून माहिती असू द्या…

🔰 www.jeevandayee.gov.in  या संकेतस्थळावर रुग्ण व जिल्हा समन्वयकांची यादी मिळेल.

🔰 राष्ट्रीय बाल स्वास्थ कार्यक्रमाअंतर्गत  0  ते 18 वयोगटातील रुग्णांवर मोफत उपचार केले जातात. (www.rbsk.gov.in या संकेतस्थळावर मिळेल अधिक माहिती)

🔰 cmrf.maharashtra.gov.in या संकेतस्थळावर मिळेल मुख्यमंत्री वैद्यकीय सहाय्यता निधीतील रुग्णालयाची माहिती.

🔰  २५ हजार ते दोन लाखांपर्यंत रुग्णांना उपचारासाठी  मुख्यमंत्री वैद्यकीय समितीच्या शिफारशीनुसार मदत केली जाते.

अर्जासोबत लागतात ‘ही’ कागदपत्रे…

🔰 वैद्यकीय खर्चाचे प्रमाणपत्र (खाजगी रुग्णालय किंवा सिव्हिल हॉस्पिटल कडून प्रमाणीत केलेले)

🔰 रुग्णालयाचे आधार कार्ड लहान बाळासाठी आईचे आधार कार्ड.

🔰तहसीलदाराचे उत्पन्न दाखला (वार्षिक 1.60 लाखापेक्षा कमी उत्पन्न अपेक्षित. )

🔰 प्रत्यारोपण रुग्णासाठी शासकीय समितीची मान्यता असलेले प्रमाणपत्र

🔰 रुग्णाची रेशन कार्ड ,आजाराचे रिपोर्ट. 

या आजारासाठी मिळेल मुख्यमंत्री सहाय्यता निधी

कॉकलियर इम्प्लांट (२ ते ६ वर्षे वयोगट), हृदय प्रत्यारोपण,हाताचे प्रत्यारोपण, अपघात, हिप रिप्लेसमेंट, यकृत प्रत्यारोपण,बोनमॅरो प्रत्यारोपण  किडनी प्रत्यारोपण, फुफ्फुस प्रत्यारोपण, ,  कर्करोग शस्त्रक्रिया, अपघात शस्त्रक्रिया, लहान बालकांच्या शस्त्रक्रिया, मेंदूचे आजार, हृदयरोग, डायलिसिस, कर्करोग केमोथेरपी किंवा रेडिएशन,  नवजात शिशुंचे आजार, गुडघ्याचे प्रत्यारोपण, बर्न रुग्ण (भाजलेला रुग्ण), विद्युत अपघात रुग्ण अशा २० गंभीर आजारांच्या रुग्णांसाठी मुख्यमंत्री सहायता निधी मिळतो. महात्मा फुले जनआरोग्य योजना, चॅरिटी हॉस्पिटल व राष्ट्रीय बाल स्वास्थ कार्यक्रमातून उपचार न मिळाल्यास त्यांना मुख्यमंत्री सहायता निधीतून आधार दिला जातो.

Leave a Reply

Your email address will not be published. Required fields are marked *