Onion rate : १७ डिसेंबर रोजी राज्यातील विविध बाजार समित्यांमध्ये कांद्याच्या दरांमध्ये चढउतार दिसून आले. एकूण सुमारे १ लाख ८६ हजार क्विंटल कांद्याची आवक नोंदवली गेली. नाशिक बाजारात सरासरी १४०० रुपये, कोपरगावमध्ये २३५० रुपये, देवळा येथे १८०० रुपये, संगमनेरमध्ये १७५० रुपये, सिन्नरमध्ये २३०० रुपये तर पिंपळगाव बसवंत बाजारात पोळ कांद्याला सरासरी २३०० रुपयांपर्यंत दर मिळाला. लाल कांद्याला सोलापूर बाजारात १७०० रुपये, लासलगावमध्ये २३५१ रुपये, संगमनेरमध्ये १७६० रुपये, पारनेरमध्ये १८०० रुपये आणि देवळा येथे २२०० रुपये दर मिळाला. तसेच नागपूर बाजारात पांढऱ्या कांद्याला १८५० रुपये तर मंगळवेढा बाजारात लोकल कांद्याला सरासरी २५०० रुपयांपर्यंत भाव मिळाल्याने शेतकऱ्यांमध्ये काही प्रमाणात समाधान व्यक्त करण्यात आले.