Onion rate : कांदा बाजारात अद्याप अपेक्षित सुधारणा झालेली दिसत नसून, २० जानेवारी रोजी सुमारे २ लाख क्विंटलहून अधिक कांद्याची आवक नोंदवली गेली. यामध्ये नाशिक जिल्ह्यात लाल कांदा ७६ हजार क्विंटल तर पोळ कांदा २० हजार क्विंटल इतकी मोठी आवक झाली. दरांच्या बाबतीत बाजारांनुसार तफावत दिसून आली असून, लासलगाव-निफाड येथे लाल कांद्याला किमान ८०० तर सरासरी १५०० रुपये, सोलापूर बाजारात किमान १०० तर सरासरी ११०० रुपये दर मिळाला. नागपूर, कळवण, भुसावळ, नांदगाव, पुणे, जुन्नर-आळेफाटा आणि पिंपळगाव बसवंत अशा विविध बाजारांमध्ये कांद्याच्या प्रकारानुसार ९५० ते २१०० रुपयांपर्यंत सरासरी दर नोंदवले गेले, ज्यावरून बाजारातील अनिश्चितता आणि आवकेचा दबाव स्पष्टपणे जाणवतो..