जमिनीचा व्यवहार किंवा जमिनीच्या बाबतीत जर सर्वात महत्त्वाची कागदपत्र कोणते असेल तर ते म्हणजे सातबारा उतारा हा होय.सातबारा उतारा हा जमिनीचा आरसा असतो . असे म्हटले तरी वावगे ठरणार नाही . कारण जमिनीच्या मालकाविषयी किंवा त्या जमिनीची संपूर्ण कुंडलीच सातबारा उताऱ्यावर असते . परंतु कधी कधी बनावट किंवा बोगस सातबारा तयार करून किंवा सातबाराचा वापर करून अनेक बेकायदेशीर कामे देखील केली जातात.
बऱ्याचदा बँकेकडून बनावट सातबारा देऊन कर्ज देखील घेतली जाते किंवा जमिनीचे व्यवहार देखील घडवून आणण्याचे अनेक प्रकरणे आपण ऐकली किंवा वाचले असतील. अशी बरेच प्रकरणे महाराष्ट्रात घडून आलेले आहेत ही बनावट सातबारा उतारे किंवा फेरफार आणि खोटे दस्तऐवज देऊन बँकिंग कडून लाख रुपयांची कर्ज घेऊन बँकेची फसवून देखील करण्यात आलेली आहे . जमिनीचा व्यवहार हा सातबारा उतारा पाहून जर तुम्हाला करायचा असेल तर अगोदर तो सातबारा खरा आहे की खोटा हे पाहणे गरजेचे आहे. मग तुमच्या मनात आता प्रश्न निर्माण झाला असेल की नेमका सातबारा खरा की खोटा कसे ओळखायचे.
तर काळजी करण्याची गरज नसून या लेखांमध्ये अगदी साधी आणि सोपे उपाय आपण बघणार आहोत तुम्ही सातबारा खरा आहे की खोटा आहे हे चटकन तपासून शकणार आहे.
या पद्धतीने ओळखा बनावट सातबारा.
सातबारा वरची तलाठ्यांची सही
सातबारा उताऱ्यावर तलाठ्याची सही असते .ज्या जमिनीचा व्यवहार तुम्ही करत असाल त्या जमिनीच्या सातबारा उताऱ्यावर तलाठी ची सही नसेल तर तो सातबारा बोगस असतो परंतु डिजिटल स्वाक्षरीचा सातबारा सरकारने आता उपलब्ध करून द्यायला सुरुवात केली आहे.
डिजिटल सातबारा च्या खालच्या बाजूला एक सूचना असते व ती म्हणजे “सातबारा उताऱ्यावरील गाव नमुना सात आणि गाव नमुना 12 डिजिटल स्वाक्षरीत तयार केला असल्यामुळे त्यावर कोणत्याही सही शिक्काची गरज नाही” अशा प्रकारची सूचना जर तुमच्यासमोर आलेल्या सातबारावर नसेल तर तो सातबारा बोगस सातबारा समजावा.
2. क्यू आर कोड
अनेक बदल आता सातबारा उताऱ्यावर करण्यात आलेले असून त्यातील एक महत्त्वाचा बदल म्हणजे उताऱ्यावर आता क्यूआर कोड देण्यात आलेला आहे. तुमच्याकडे आलेल्या सातबारा उताऱ्यावर जर क्यूआर कोड नसेल तर तो सातबारा बोगस आहे असे समजावे. अशावेळी तुम्ही सातबारा उताऱ्याच्या प्रिंट वर असलेले क्यूआर कोड स्कॅन केले तर तुम्हाला ओरिजनल सातबारा दिसतो .तसेच क्यूआर कोड असेल किंवा नसेल तर तो स्कॅन करून तुम्ही सातबारा उतारा खरा आहे की खोटा आहे ते तपासू शकता.
3. एलजीडी आणि महाभुमी प्रकल्पाचा लोगो.
सातबारा उताऱ्यावर आता बरेच बदल करण्यात आलेले असून त्या बदलानुसार आता सातबारा उताऱ्यावर शेत जमीन ची माहिती असतेच परंतु संबंधित गावाचा एक युनिक कोड देखील नमूद केलेला असतो व हा कोड उताऱ्यावर गावाच्या नावासमोर कंसामध्ये असतो. जर तुमच्याकडे असलेल्या सातबारा उताऱ्यावर हा कोड नसेल तर तो उतारा बोगस समजावे या व्यतिरिक्त महाराष्ट्र सरकारने सातबारा आठ अ चा उताऱ्यावर वरच्या बाजूला ई महाभूमी प्रकल्प आणि महाराष्ट्र शासन यांचा लोगो टाकण्यास मान्यता दिलेली आहे परंतु डिजिटल सातबारा उताऱ्यावर जर हे दोन्ही प्रकारचे लोगो नसतील तर तो उतारा बोगस आहे. असे समजावे अशा पद्धतीने या तीन बाबींची पडताळणी करून तुम्ही सातबारा उतारा खरा आहे की खोटा याबद्दलची माहिती मिळवू शकता.
