राज्यातील दूध उत्पादकांसाठी सरकारने दिलासादायक निर्णय घेतला आहे. काल झालेल्या मंत्रिमंडळ बैठकीत राज्यातील सहकारी व खासगी दूध प्रकल्पांना दूध पुरवठा करणाऱ्या दूध उत्पादकांना गायीच्या दुधासाठी लिटरमागे सात रुपयांचे अनुदान देण्याचा निर्णय घेतला आहे . मुख्यमंत्री एकनाथ शिंदे बैठकीच्या अध्यक्षस्थानी होते.
राज्यातील दूध उत्पादकांना दिलासा देण्यासाठी काही महिन्यापूर्वी पाच रुपयांचे अनुदानाचा निर्णय घेण्यात आला होता. सदर दूध उत्पादकांना प्रति लीटर ५ रुपये अनुदान देण्यात येत होते. त्यामध्ये दोन रुपयांची वाढ केली असून आता सात रुपये अनुदान देण्यात येईल.१ ऑक्टोबर २०२४ पासून दूध उत्पादकांना दूध संघांनी ३.५ फॅट /८.५ एसएनएफ या प्रति लिटर करिता २८ रुपये लिटर इतका दर देणे बंधनकारक आहे.
१ ऑक्टोबर २०२४ सुरु
सरकारकडून या योजनेसाठी ९६५ कोटी २४ लाख इतक्या खर्चास मान्यता देण्यात आली आहे. १ ऑक्टोबर २०२४ पासून ही योजना राबवण्यात येईल. परंतु तिचा आढावा घेऊन मुदतवाढ देण्यात येईल. त्यानंतर सात रुपये प्रतिलिटर अनुदान दूध उत्पादकांना शासनामार्फत त्यांच्या बँक खात्यावर वितरित करण्यात येतील.शेतकऱ्यांच्या दुधासाठी यापुढेही प्रतिलिटर ३५ रुपये भाव मिळत राहणार आहे.
