ऊसतोड कामगारांना विविध योजनांचा लाभ घेण्यासाठी ओळखपत्र मिळणार आहे. ऊसतोडणी कामगारांना महाराष्ट्र राज्य साखर कारखाना संघाच्या स्तरावरून होणाऱ्या सामंजस्य करारानुसार मजूरी व अन्य लाभ देण्यात येत आहेत. असं असलं तरीही ऊसतोड कामगारांना भविष्य निर्वाह निधी, कामगार राज्य विमा योजना, उपदान, नुकसान भरपाई, सानुग्रह उपदान इ. सामाजिक सुरक्षितता योजनांचे लाभ मिळत नाहीत.
हे लाभ मिळण्यासाठी ऊस तोडणी कामगारांना ओळखपत्र देण्यात येत आहे. सातारा जिल्हयातील ऊसतोड कामगार ज्या ठिकाणी वास्तव्यास असतील व जे सतत मागील 3 वर्षा पासून ऊसतोड कामगार म्हणून काम करत असतील त्यांना साखर कारखान्याचे व्यवस्थापकीय संचालक व गट विकास अधिकारी यांच्या समन्वयाने सर्व्हे करून त्यांना ऊसतोड कामगार असल्याचे ओळखपत्र देण्यात येत आहे.
ऊसतोड कामगारांना ओळखपत्र दिल्यानंतर पुढीलप्रमाणे लाभ दिले जातात –
१. ऊसतोड कामगार यांना एक देश एक रेशनकार्ड या योजनेची अंमलबजावणी करणे, ऊसतोड कामगारांकरिता हेल्थ कॅम्प राबविणे, ऊसतोड कामगारांना पाणी पुरवठा / स्वच्छता यांची सोय करणे.
२. ऊसतोड कामगारांच्या मुलांना शाळा सुरू करणे, ऊसतोड कामगारांचे 0 ते 6 वयोगटातील बालकास सकस अहाराची / किंवा अंगणवाडी मध्ये प्रवेश देऊन शैक्षणिक लाभ देणेची अंमलबजावणी करणे.
३. ऊसतोड महिला कामगारांसाठी वास्तव्यास असलेल्या ठिकाणी स्वतंत्र शौचालयाची व्यवस्था करणे, ऊसतोड कामगार यांचे मृत्युनंतर देण्यात येणारे उपदान.
वरील लाभ मिळण्यासाठी ऊसतोड कामगारच्यांकडे ओळखपत्र असणे अपेक्षित आहे. तरी सातारा जिल्हयातील ऊसतोड कामगारांनी सद्या वास्तव्यास असेलेल्या ठिकाणच्या ग्रामसेवकांशी संपर्क करून आपली नाव नोंदणी करावी असे आहवान सहायक आयुक्त, समाज कल्याण नितीन उबाळे यांनी केले आहे.
source:- krishijagran
