PM-Kisan : शेतीवर अवलंबून असलेल्या लाखो शेतकऱ्यांसाठी खुशखबर आहे. केंद्र सरकारच्या प्रधानमंत्री किसान सन्मान निधी योजनेचा 20 वा हप्ता लवकरच म्हणजे जून 2025 च्या दुसऱ्या किंवा तिसऱ्या आठवड्यात शेतकऱ्यांच्या खात्यावर जमा होण्याची शक्यता आहे. त्यामुळे ज्यांनी आवश्यक प्रक्रिया पूर्ण केली आहे त्यांना लवकरच 2,000 रुपयांचा लाभ मिळणार आहे.
पीएम किसान योजनेचा 20 वा हप्ता कधी मिळेल?
सरकारने अद्याप नेमकी तारीख जाहीर केलेली नाही, मात्र अधिकृत संकेतस्थळावरून आणि माध्यमांमधून मिळालेल्या माहितीनुसार, हप्ता जून 2025 च्या पहिल्या ते दुसऱ्या आठवड्यातच जमा होण्याची शक्यता आहे. मागील हप्त्यांचा इतिहास पाहता, केंद्र सरकार दर चार महिन्यांनी हप्ते देत असते. याआधी 19 वा हप्ता 24 फेब्रुवारी 2025 रोजी खात्यात जमा झाला होता.
पीएम किसानचा हप्ता खात्यात जमा झाला की नाही, हे कसे पाहावे?
शेतकऱ्यांनी pmkisan.gov.in या अधिकृत वेबसाईटवर जाऊन Beneficiary Status हा पर्याय निवडावा. त्यानंतर आधार क्रमांक, बँक खाते क्रमांक किंवा नोंदणी क्रमांक टाकावा. यानंतर तुमच्या खात्यावर शेवटचा हप्ता कधी जमा झाला, किती रक्कम जमा झाली आणि पुढचा हप्ता मंजूर झाला आहे का, याची माहिती स्क्रीनवर दिसेल.
PM-Kisan साठी KYC कशी करायची?
सरकारने आता PM-Kisan साठी ई-KYC अनिवार्य केले आहे. त्यासाठी पुढील पद्धत वापरा:
– pmkisan.gov.in या संकेतस्थळावर जा
– होमपेजवर ‘e-KYC’ हा पर्याय निवडा
– आधार क्रमांक टाका आणि OTPच्या माध्यमातून ओळख पटवा
– मोबाइलवर आलेला OTP टाकल्यानंतर KYC प्रक्रिया पूर्ण होईल
या प्रक्रियेमुळे शेतकऱ्यांचा हप्ता वेळेवर खात्यात जमा होईल.
मागील हप्ते केव्हा मिळाले होते?:
– 19 वा हप्ता : 24 फेब्रुवारी 2025
– 18 वा हप्ता : 15 नोव्हेंबर 2024
– 17 वा हप्ता : 27 जुलै 2024
या तारखांवरून सरकार दर चार महिन्यांनी हप्ते पाठवत असल्याचे दिसते. त्यामुळे यंदाचाही हप्ता जून 2025 मध्ये मिळण्याची पूर्ण शक्यता आहे.
तुमचं नाव यादीत आहे का? तपासा आत्ताच:
PM-Kisan योजनेचा लाभ घेण्यासाठी आपल्या नावाची यादीत नोंद आहे का, हे तपासणेही महत्त्वाचे आहे. जर नाव यादीत नसेल तर तालुका कृषी कार्यालयात संपर्क साधून किंवा ऑनलाईन फॉर्म अपडेट करून पुन्हा अर्ज करावा.
महत्त्वाचे लक्षात ठेवा:
ज्यांनी e-KYC, आधार-बँक लिंकिंग पूर्ण केली आहे, त्यांना 20 वा हप्ता जूनमध्ये खात्यावर मिळण्याची शक्यता नक्कीच आहे. इतरांनी आवश्यक ती प्रक्रिया पूर्ण करून लवकरात लवकर योजनेचा लाभ घ्यावा. सरकारच्या अधिकृत वेबसाईटवर सतत लक्ष ठेवावे. कोणतीही एजन्सी किंवा कॉल करणाऱ्यांवर विश्वास ठेवू नका. फक्त अधिकृत वेबसाईट आणि स्थानिक कृषि कार्यालयाचीच माहिती ग्राह्य धरा.
