Onion rate : आज राज्यातील कांद्याच्या बाजारपेठेचा अहवाल पुढीलप्रमाणे आहे. गुरुवार, २५ डिसेंबर रोजी एकूण ७१,०६४ क्विंटल कांद्याची आवक झाली, ज्यात ९,१५१ क्विंटल चिंचवड, ३९,३०९ क्विंटल लाल, ३,६११ क्विंटल लोकल, ११,३७१ क्विंटल पोळ, आणि २,६३३ क्विंटल उन्हाळ कांदा होता.

लाल कांद्याची सर्वाधिक आवक सोलापूर आणि लासलगाव-विंचुर बाजारात नोंदवली गेली. यावेळी सोलापूरमध्ये दर किमान १०० रुपये आणि सरासरी १,००० रुपये/क्विंटल, लासलगाव-विंचुरमध्ये १,८०० रुपये, कळवणमध्ये १,४०० रुपये, पिंपळगाव (ब)-सायखेडा येथे १,१५१ रुपये, येवला येथे १,७५० रुपये प्रति क्विंटल सरासरी दर मिळाला.

उन्हाळ कांद्याची जास्त आवक नाशिक जिल्ह्यातून झाली. येवला येथे सरासरी दर १,०६५ रुपये, कळवण येथे १,२०० रुपये, पिंपळगाव बसवंत येथे १,५०० रुपये, भुसावळ (जि. जळगाव) येथे ८०० रुपये/क्विंटल होता.

पोळ कांद्याला पिंपळगाव बसवंत येथे १,७५० रुपये, लोकल वाणाच्या कांद्याला सांगली-फळे भाजीपाला बाजारात किमान ५०० रुपये आणि सरासरी १,४०० रुपये, पुणे-पिंपरी येथे १,४०० रुपये, पुणे-मोशी येथे १,१५० रुपये, मंगळवेढा येथे ९०० रुपये, तर चिंचवड कांद्याला जुन्नर-ओतूर येथे २,००० रुपये प्रति क्विंटल सरासरी दर मिळाला.