महसूल सप्ताहाच्या निमित्ताने हस्तलिखित व संगणक द्वारे सातबारा उताऱ्याच्या दुरुस्तीची प्रक्रिया आता हाती घेण्यात आली आहे.या प्रक्रियेला शेतकऱ्यांचा देखील मोठा प्रतिसाद मिळताना दिसत आहे. तसेच प्राप्त झालेल्या अर्जावर तातडीने सुनावणी घेऊन ते संबंधित निर्णय देण्याची निर्देश देखील सर्व तहसीलदारांना देण्यात आले आहेत. विशेष म्हणजे या प्रक्रियेची जिल्हाधिकारी स्तरावर देखील नोंद ठेवली जाणार आहे. त्यामुळे ही प्रक्रिया वेगात होईल अशी शक्यता आहे . त्यामुळे नक्कीच नागरिकांना दिलासा मिळणार आहे.
चौकशी करण्याचे आदेश.
या प्रकरणाची चौकशी करण्याचे आदेश संबंधित तहसीलदार तलाठ्याला देत असतात . पण या चुका दुरुस्त करण्यापूर्वी काहीही संबधीतांना नोटीस बजावणे आवश्यक आहे. अशा चुका किंवा लेखन प्रमाणात झाल्याचे संबंधित पक्षकांनी कबूल केले पाहिजेत.
चुकीने नाव दाखल झाल्यास त्या व्यक्तीला तहसीलदारांकडून नोटीस…
जर आपण आपल्या सातबारावरील एखादे नाव कमी करण्याविषयी अर्ज केला असेल किंवा ज्या व्यक्तीचे चुकीचे नाव आपल्या इतर हक्कांमध्ये समाविष्ट झालेले आहे. किंवा सातबारावर त्यांचे नाव आहे. त्यावेळी तहसीलदार आपण अर्ज केल्यानंतर संबंधित व्यक्तींना नोटीस बजवतात आणि त्या व्यक्तीने नाव कमी करणे विषयी कुठल्याही आक्षेप घेतला नसेल किंवा कुठलीही त्याची तक्रार नसेल तर आपली विनंती मान्य होऊन ते नाव दुरुस्त होते आणि सातबारा वरून नाव कमी केले जाते अशा प्रकारच्या सातबारे वरच्या कोणकोणत्या प्रकारच्या चुका दुरुस्त करता येतात.
याविषयीची काही उदाहरणे आपण या ठिकाणी पाहणार आहोत.
1. खातेदारांची नाव व शेरा दुरुस्ती :
सातबारा पुनर्लेखन करताना एखादा शेरा किंवा एखाद्या खातेदाराचे नाव लिहिण्याचे राहून जाणे अशा प्रकारची चूक या कायद्यांतर्गत दुरुस्त करता येते. दर दहा वर्षांनी सातबाराचे पुनर्लेखन होत असते ,त्यावेळी जर एखाद्या खातेदाराचे नाव किंवा एखाद्या शेरा चुकीने राहिलेला असेल तर पूर्वीचे अभिलेखात तो असेल आणि नवीन अभिलेखात नसेल तर अशा प्रकारची चूक कलम 155 अंतर्गत दुरुस्त करता येते.
2. कलम 155 नुसार अभिलेखातील नाव कमी करणे.
सातबारा वरील काही नावे कमी करण्याचा आदेश झाला होता, परंतु त्या आदेशानुसार अशी नावे कमी करण्यात आली नाही. तहसीलदार व जिल्हाधिकारी यांच्याकडे आपण एखाद्या अभिलेखातील नाव कमी करणे याविषयी अर्ज केला होता, परंतु तहसीलदार जिल्हाधिकारी यांनी अशा प्रकारचे आदेश निर्गमित केले होते, परंतु त्या आदेशाची अंमलबजावणी झाली नसेल तर अशा प्रकारच्या अंमलबजावणी आपणास 155 कलमनुसार करता येते.
3. कलम 32 ग नुसार मूळ मालकाचे नाव कमी करणे.
जर एखाद्या जमिनीची कुळ कायदा कलम 32 ग नुसार ठरलेली रक्कम मूळ मालकाला दिली असून देखील ,नंतर मूळ मालकाचे नाव सातबाराच्या इतर हक्कात राहिलेले असेल ,म्हणजेच कुळ कायद्या विषयीचे हे कलम आहे 32 ग नुसार आपण मूळ मालकाला रक्कम दिली असून देखील त्यांचे नाव सातबारा मध्ये इतर हक्कात असेल तर असे नाव आपणास या कायद्यांतर्गत कमी करता येते.
4. कलम 155 अंतर्गत वारसाचे नाव किंवा जमिनीचे क्षेत्रफळ यामध्ये दुरुस्ती
आपण जेव्हा जमिनीच्या खरेदी चे व्यवहार करतो, त्यावेळी नोंदणीकृत दस्त यामधील महत्त्वाचा मजकूर जसे की वारसाचे नाव ,जमिनीचे क्षेत्रफळ यामध्ये काही चूक झालेली असेल तर तसा उल्लेख सातबाऱ्यात झालेला असेल तर आपल्याला कलम 155 अंतर्गत अशा प्रकारची चूक दुरुस्त करता येते.
