सरकार शेतकऱ्यांना पाठबळ देण्यासाठी विविध योजना आखत आहेत . पंतप्रधान किसान सन्मान निधी योजना यातीलच हि एक योजना आहे . सरकार दरवर्षी या योजनेच्या माध्यमातून शेतकऱ्यांना 6000 रुपयांची आर्थिक मदत देतात .शेतकऱ्यांच्या खात्यात 17 हप्ते आत्तापर्यंत जमा झाले आहेत. आता 18 वा हप्ता कधी येणार याची सध्या चर्चा सुरु आहे. मात्र, लवकरच 18 वा हप्ता देखील मिळणार आहे अशी माहिती समोर आली आहे.
PM किसानचा 18 वा हप्ता ऑक्टोबरमध्ये जमा होणार
शेतकऱ्यांच्या आर्थिक समृद्धीला हातभार लावणाऱ्या प्रधानमंत्री किसान सन्मान निधी योजनेचे लाभार्थी आता 18 व्या हप्त्याच्या प्रतीक्षेत आहेत. या योजनेंतर्गत शेतकऱ्यांना वार्षिक 6000 रुपये आर्थिक सहाय्य देण्याची घोषणा केंद्र सरकारने केली आहे. या माध्यमातून शेतकरी आर्थिकदृष्ट्या सक्षम होऊ शकतील. त्यांच्या शेतीच्या गरजा पूर्ण करु शकतील ,सरकारने आतापर्यंत 17 हप्ते शेतकऱ्यांच्या खात्यात वितरित केले आहेत. 18 वा हप्ताही पुढील महिन्यामध्ये जाहीर केला जाऊ शकतो.
शेतकऱ्यांना ‘या’ नवीन सूचनांचे पालन करावे लागणार
तसेच दिलेल्या माहितीनुसार,काही नवीन सूचनांचे पालन यावेळी शेतकऱ्यांना करावे लागणार आहे. या योजनेचा लाभ घेण्यासाठी ई-केवायसी आणि जमीन पडताळणी सरकारने बंधनकारक केली आहे. या आवश्यक प्रक्रिया ज्या शेतकऱ्यांनी पूर्ण केल्या नाहीत त्यांना 18 व्या हप्त्याची 2000 रुपये मिळणार नाहीत. त्यामुळे लवकरात लवकर दिलेल्या सूचनेप्रमाणे शेतकऱ्यांनी कामे पूर्ण करुन घ्यावीत असे आवाहन करण्यात आले आहे.
ई-केवायसीची प्रक्रिया खूप सोपी..
आता ई-केवायसीची प्रक्रिया खूप सोपी झाली आहे. पीएम किसान मोबाइल ॲप कृषी आणि शेतकरी कल्याण मंत्रालयाने सुरू केले आहे त्यामध्ये ‘फेस ऑथेंटिकेशन फीचर’ उपलब्ध आहे. शेतकरी आता घरी बसून या फीचरच्या मदतीने OTP किंवा फिंगरप्रिंट शिवाय चेहरा स्कॅन करून ई-केवायसी करू शकतात. दुर्गम भागातील शेतकऱ्यांसाठी विशेषतः ही पद्धत अतिशय सोयीची आहे. याशिवाय, शेतकरी त्यांच्या जवळील कॉमन सर्व्हिस सेंटरला (CSCs) भेट देऊन बायोमेट्रिक केवायसी देखील करू शकतात . जर शेतकरी ई-केवायसी प्रक्रिया स्वत: OTP द्वारे पूर्ण करत असतील , तर ते विनामूल्य आहे, जर शेतकऱ्यांनी कॉमन सर्व्हिस सेंटरमध्ये जाऊन केवायसी केले तर त्याला काही शुल्क भरावे लागेल.
