काल पार पडलेल्या राज्य मंत्रिमंडळाच्या बैठकीत मुख्यमंत्री एकनाथ शिंदे यांच्या अध्यक्षतेखाली विविध महत्त्वाचे निर्णय घेण्यात आलेले आहेत. सह्याद्री अतिथीगृह येथे मंत्रिमंडळ बैठक घेण्यात आली . त्या बैठकीत उपमुख्यमंत्री देवेंद्र फडणवीस, उपमुख्यमंत्री अजित पवार आणि मंत्रिमंडळातील सदस्य उपस्थित होते .

मंत्रिमंडळ बैठकीतील महत्त्वाचे निर्णय खालील प्रमाणे… 

✅ यावर्षी सुद्धा मुंबईकरांना मालमत्ता कर वाढ नाही. 

✅ राज्यामध्ये नमो महारोजगार मेळाव्याचे आयोजन करून 2 लाख रोजगार उपलब्ध करून देणार , स्वयंरोजगार निर्माण करणार.

✅ शासन ज्येष्ठ नागरिकांसाठी संवेदनशील. मुख्यमंत्री वयोश्री योजनेतून ज्येष्ठ नागरिकांसाठी लाभ देणार. 

✅ आता नगरोत्थान महाभियान राज्यातील सर्व पालिकांमध्ये राबवणार. पायाभूत सुविधा बळकट करणार. 

✅ शेतकऱ्यांना उत्पन्नवाढीसाठी बांबू लागवडीसाठी अनुदान देणार. 

✅ संपूर्ण राज्यात मधाचे गाव योजना राबवणार. मध उद्योगाला बळकटी मिळणार .

✅ पर्यटनाला प्रोत्साहन देण्यासाठी जुन्नर तालुक्यात ‘बिबट सफारी. ‘

✅ लमाण ,बंजारा, समाजाच्या तांड्यांचा विकास करणार. त्यांना मूलभूत सुविधा देणार

✅ शिर्डीमधील विमानतळाचा अधिक विस्तार, नवीन इमारत उभारणी

✅ धारावी पुनर्वसनासाठी केंद्राची मिठागर जागा मागणार.

✅ सेवानिवृत्त न्यायिक अधिकाऱ्यांना सुधारित भत्ते. 

✅ सांगोला मधील स्व.बाळासाहेब ठाकरे उपसा सिंचन प्रकल्पास सुधारित मान्यता.

✅ बिगर कृषी सहकारी संस्थांना अर्थसहाय्य. पतसंस्थांना मजबूत करणार. 

✅ कोंढाणे लघु प्रकलपाच्या कामास जादा खर्चास मान्यता. 

✅ तिवसे लघु पाटबंधारे योजनेची पुनर्स्थापना करणार. 

✅ नांदेडच्या गुरुद्धारासाठी तख्त सचखंड श्री हजूद सादिब गुरुद्धारा अधिनियम. 

✅ महाराष्ट्र लोकसेवा आयोगाची प्रतिमा उंचावण्यासाठी जनसंपर्क अधिकारी नेमणार. 

✅ आता कृषी विद्यापीठातील शिक्षकांच्या सेवानिवृत्तीचे वय साठ वर्ष. 

✅ सिंधुदुर्ग जिल्ह्यामध्ये सार्वजनिक बांधकामचे नवीन मंडळ कार्यालय. 

✅ गोसेवा आयोगासाठी सहआयुक्त पशुसंवर्धन पद.