Weather Update : वायव्य भारतात समुद्रसपाटीपासून दीड किमी. उंचीपर्यंत मध्यप्रदेशातील विदिशाच्या आसपास केंद्रबिंदू स्थित, घड्याळकाटा दिशेने प्रत्यावर्ती (घुसळल्यासारखे) बाहेर फेकणाऱ्या चक्रीय थंड वाऱ्यामुळे उत्तर भारतातील थंडी
महाराष्ट्रात पूर्व दिशेने फेकली जात आहे. त्यामुळे महाराष्ट्रात थंडीची लाट तर काही ठिकाणी थंडीच्या लाटेसदृश्य स्थिती जाणवत आहे.
सकाळी साडे आठच्या निरीक्षणावरून महाराष्ट्रात थंडीची लाट किंवा थंडीच्या लाट सदृश्य स्थिती जाणवणाऱ्या ठिकाणांचे सोमवारचे किमान तापमान डिग्री सेन्टीग्रेड मध्ये खालील प्रमाणे आहे.( कंसातील अंक सरासरीपेक्षा झालेली घसरण दाखवते, असे निरीक्षण ज्येष्ठ हवामानतज्ज्ञ माणिकराव खुळे यांनी नोंदविले आहे.
अहिल्यानगर ५. ५(-५.६), परभणी ८. ३(-५.६), , नागपूर ९. ४(-५), मुंबई सांताक्रूझ १४ (-४.५), सोलापूर ११.५(-४.५), धाराशिव९.४(-४.४), चंद्रपूर १०.⅘(-३.६), अकोला ९.९(-३.८), डहाणू १५(-३.६), नाशिक ९.४ (-२.९), पुणे ७.८(-४.३), सं. नगर ९. ६(-३.१), अमरावती १०. ६(-३.६), बुलढाणा ११. ४(-३. ३), चंद्रपूर १०.४(-३. ६), वर्धा ९. ४(-४. १),
सध्या जाणवत असलेली अपेक्षित थंडी बुधवार दि. १८ डिसेंबर(संकष्टी चतुर्थी) पर्यंत टिकून राहण्याची शक्यता आहे. मात्र अजूनतरी गारपीट, किंवा अवकाळी पाऊस होण्याचे लक्षण नसल्याचा हवामान अंदाज तज्ज्ञांनी वर्तवला आहे.
