Tomato market : आज दिनांक २५ एप्रिल रोजी नगरच्या श्रीरामपूर बाजारात टोमॅटोला सरासरी ७०० रुपये बाजारभाव मिळाला. पुण्यात लोकल टोमॅटेला ८५० रुपये तर पिंपरी बाजारात सरासरी १ हजार रुपये प्रति क्विंटल बाजारभाव मिळाला. सकाळच्या सत्रात भुसावळ येथे आज वैशाली टोमॅटोला प्रति क्विंटल १५०० रुपये इतका बाजारभाव मिळाला.
२४ एप्रिल २०२५ रोजी राज्यातील घाऊक बाजारांमध्ये टोमॅटोच्या दरात चढउतार दिसून आले. सर्वाधिक बाजारभावाची नोंद नाशिक जिल्ह्यातील घोटी बाजार समितीत झाली. येथे टोमॅटोला सरासरी रुपये २०५० इतका भाव मिळाला. कमीत कमी दर रुपये १८०० आणि जास्तीत जास्त दर रुपये २३०० इतका नोंदला गेला. त्यामुळे घोटी बाजारात दर्जेदार टोमॅटोला उत्कृष्ट दर मिळाल्याचे स्पष्ट झाले.
टोमॅटोची सर्वाधिक आवक याच दिवशी पुणे बाजार समितीत झाली. येथे एकूण २३५७ क्विंटल टोमॅटोची नोंद झाली. एवढ्या मोठ्या आवकेनंतरदेखील सरासरी दर रुपये ८५० इतका मिळाला. दुसरीकडे, पनवेल येथे ६१५ क्विंटल टोमॅटोची आवक झाली आणि येथे सरासरी दर तब्बल रुपये २२५० इतका मिळाला. पनवेलमध्ये जास्त दर मिळण्याचे कारण म्हणजे हायब्रिड टोमॅटोचा दर्जा आणि मोठ्या खरेदीदारांची मागणी असल्याचे सांगण्यात आले.
काल गुरूवारी म्हणजेच २४ एप्रिल रोजी पुण्यातील पिंपरी बाजारात लोकल टोमॅटोला सरासरी रुपये १०००, तर मोशीमध्ये रुपये ८५० दर मिळाला. मुंबई मार्केटमध्ये २१७८ क्विंटल आवक नोंदली गेली आणि सरासरी दर रुपये १०५० मिळाला. पनवेलमध्ये हायब्रिड टोमॅटोला सरासरी दर रुपये २२५० मिळाला, जो सर्वाधिक होता. कल्याण बाजारात हायब्रिड टोमॅटोला सरासरी दर रुपये १५०० मिळाला. सोलापूरच्या वशिष्ठ टोमॅटोला मात्र फक्त रुपये ५०० इतका दर मिळाला. नाशिक जिल्ह्यातील प्रमुख बाजारांपैकी मंचरमध्ये सरासरी दर रुपये १८७५ होता, तर नाशिक शहरात हायब्रिड टोमॅटोला सरासरी दर रुपये ७५० मिळाला.
दरम्यान परवा बुधवारी २३ एप्रिल रोजी घोटी बाजारात सरासरी दर रुपये २३०० नोंदवला गेला होता, तर मंचरमध्ये दर रुपये १८७५ इतका होता. याच बाजारात २४ एप्रिलला दर काहीसा घसरला. खेड-चाकणमध्ये २३ एप्रिलला सरासरी दर रुपये १२५० होता, जो २४ एप्रिलला कमी होऊन सुमारे रुपये १००० पर्यंत आला. या तुलनेत बहुतेक बाजारांमध्ये टोमॅटोचे दर किंचित घसरले आहेत. विशेषतः ज्या बाजारांमध्ये मोठ्या प्रमाणावर आवक झाली, तिथे दर कमी झाले. दुसरीकडे, मर्यादित आवक व दर्जेदार उत्पादन असलेल्या बाजारांमध्ये दर समाधानकारक राहिले.
एकूणच, गुरुवारी २४ एप्रिल रोजी राज्यातील टोमॅटो बाजारात दराचा कल मिश्र होता. घोटी, पनवेल आणि कल्याण या बाजारांमध्ये दर चांगले मिळाले, तर पुणे, सोलापूर आणि नाशिकसारख्या मोठ्या आवक असलेल्या बाजारात तुलनेत दर कमी मिळाले. शेतकऱ्यांनी आवक आणि मागणीच्या तुलनेत योग्य बाजारपेठ निवडून माल विकावा, असा सल्ला बाजार तज्ज्ञांनी दिला आहे.
