Jowar Market : अकोट कृषी उत्पन्न बाजार समितीमध्ये नरसिंग महाराज संस्था व इतर घटकांकडून ज्वारी खरेदीत मोठ्या प्रमाणावर फसवणूक झाल्याचे निष्पन्न झाले आहे. पणन व सहकार मंत्री जयकुमार रावल यांनी विधानपरिषदेत सांगितले की, ५,००० क्विंटलचा खोटा ज्वारी खरेदी रेकॉर्ड तयार करून शेतकऱ्यांच्या खोट्या सातबारा (७/१२) व दस्तखत स्कॅन करून खरेदी दाखवण्यात आली. या प्रकरणाची सविस्तर तपासणी करण्यासाठी विभागीय सहनिबंधक सहकारी संस्थेच्या नेतृत्वाखाली “एसआयटी” स्थापन केले जाणार आहे
सदस्य अमोल मिटकरी यांनी विधानपरिषदेत हा घोटाळा उघड केला असून, विरोधी पक्ष नेते अंबादास दानवे, तसेच प्रवीण दरेकर, अनिल परब, सदाभाऊ खोत व एकनाथ खडसे यांनीही चर्चेत सहभाग घेतला. त्यांनी या घोटाळ्यामुळे हजारो शेतकऱ्यांचे नुकसान झाले आहे असा निष्कर्ष नोंदवला.
एसआयटी चौकशीमध्ये ७/१२ नोंदींची सत्यता तपासली जाईल. दोषी आढळल्यास अहवाल प्राप्त होताच गुन्हे दाखल करता येतील आणि समितीचे संचालक मंडळही दोषींना बरखास्त करण्याचा प्रस्ताव मंत्री रावल यांनी विधानपरिषदेत मांदला .
घोटाळ्याची पार्श्वभूमी पुढीलप्रमाणे: नरसिंग महाराज संस्था व काही खरेदीदारांनी शेतकरी नसतानाही खोटे सातबारा तयार केले, त्यावरुन खरेदी दाखवून सरकारी सवलतीचा लाभ घेण्यात आला. सातबाऱ्यावर ज्वारी नसेल तरीही खरेदी रेकॉर्ड केला गेला, ज्यातून अकोट समितीला अंदाजे ५० कोटी रुपयांचा घोटाळा झाला. या फसवणुकीमुळे वास्तविक शेतकरी वर्गाला वाईट परिणाम झाला आहे .
हा प्रकार अकोटच्या पलीकडेही अन्य बाजार समित्यांपर्यंत फैलावलेला आढळतो – अनेक ठिकाणी खोटे बिल, नोंदणीशिवाय खरेदी-फसवणूक आढळली आहे
मंत्री रावल यांनी स्पष्ट केले की, दोषी पकडल्यास त्यांच्यावर कडक कायदेशीर कारवाई केली जाईल. गुन्हे दाखल करण्यासोबतच समितीतील दोषी संचालकांना बरखास्त करण्याची प्रक्रिया तात्काळ सुरु होणार आहे.
या गंभीर प्रकारामुळे बाजार समितींच्या पारदर्शकतेवर प्रश्नचिन्ह निर्माण झाले आहे. आता एसआयटी चौकशीच्या निकालाची वाट पाहावी लागेल. दोषींवर कोणती कारवाई होते आणि शेतकऱ्यांना परत नुकसानभरपाई मिळते की नाही, हे पुढील काळात स्पष्ट होईल.
