kanda bajarbhav : राज्यात ९ जुलै रोजी उन्हाळी कांद्याला (kanda market) सरासरी १२०० ते १५०० रुपये प्रति क्विंटल दर मिळाला. मागील दोन दिवसांच्या तुलनेत हा दर थोडा घटलेला दिसतो. ७ जुलै रोजी काही बाजार समित्यांमध्ये सरासरी दर १४५० ते १५५० रुपये होता, तर ८ जुलैला तो १२५० ते १५०० रुपयांदरम्यान राहिला. यावरून स्पष्ट होते की, राज्यात कांद्याच्या दरात (kanda bajarbhav) सातत्याने चढ-उतार सुरू आहेत.
लासलगाव बाजार समितीत ७ जुलै रोजी सरासरी दर १५५१ रुपये होता. ८ जुलैला तो १५०० रुपये आणि ९ जुलैला १४८० रुपये झाला. यावरून तीन दिवसांत दरात थोडीशी घट झाली आहे. पिंपळगाव बसवंत येथे ७ जुलै रोजी १४५१ रुपये, ८ जुलैला १४२५ रुपये आणि ९ जुलै रोजी पुन्हा १४५० रुपयांवर पोहोचला आहे. त्यामुळे या बाजारात किंचित चढउतार होत असला तरी दर काहीसा स्थिर आहे.
पुणे बाजारात ७ जुलै रोजी सरासरी दर ११५० रुपये होता. ८ जुलैला हा दर कायम राहिला, तर ९ जुलै रोजी मात्र तो १०० रुपये घसरून १०५० रुपये झाला. सोलापूर बाजारात ७ आणि ८ जुलै रोजी सरासरी दर १२०० रुपये होता, तर ९ जुलैला तो घटून १००० रुपये झाला. यामुळे सोलापूरच्या बाजारात दरातील घट स्पष्ट आहे. अहिल्यानगर बाजारात ७ जुलै रोजी सरासरी दर ११५० रुपये होता, जो ८ जुलैला १२५० रुपये आणि ९ जुलैला १००० रुपये राहिला, म्हणजेच येथेही दरात चढ-उतार दिसून आले.
१० जुलै रोजी पिंपरी बाजारात कांद्याचा सरासरी दर १५०० रुपये आहे. त्याच दिवशी मोशी बाजारात सरासरी दर ११५० रुपये नोंदवण्यात आला आहे. ही माहिती पाहता पिंपरी येथे सध्या कांद्याचे बाजारभाव चांगले असून मोशीमध्ये किंचित घसरण झालेली आहे.
राज्यात ९ जुलै रोजी सर्वाधिक कमाल दर मंंगलवेढा बाजार समितीत मिळाला. येथे कांद्याच्या प्रति क्विंटल कमाल दराने २९३० रुपयांची नोंद झाली. राज्यातील इतर बाजारात कमाल दर २००० ते २२०० रुपयांदरम्यान राहिला. लासलगाव, पिंपळगाव, नेवासा, राहाता, कोपरगाव या प्रमुख ठिकाणी कमाल दर २१०० रुपयांच्या आसपास राहिला.
सद्यस्थितीत कांद्याचे दर स्थिर नाहीत. काही ठिकाणी दरात घसरण झाली असली तरी मंगलवेढा आणि कळवणसारख्या बाजारात कमाल दरामध्ये चांगली उंची पाहायला मिळाली आहे. आवक वाढल्यास दरावर परिणाम होण्याची शक्यता अधिक आहे. त्यामुळे कांदा उत्पादक आणि व्यापाऱ्यांनी बाजाराच्या हालचालींवर बारकाईने लक्ष ठेवणे आवश्यक ठरणार आहे.
