कापसाला अद्यापही समाधानकारक दर मिळत नसल्याचे चित्र दिसत आहे . सध्या कापूस वेचणी सुरू आहे. परंतु आवक कमी आहे. यंदाच्या दिवाळीमध्ये कापसाला कमीत कमी 06 हजार 500 रुपयांपासून 07 हजार रुपयांपर्यंत भाव मिळाला. किमान आधारभूत किमतीपेक्षाही कमी दर आहे.

साधारण 29 ऑक्टोबर रोजी कापसाला कमीत कमी 06 हजार पाचशे रुपयांपासून 7 हजार 100 रुपयांपर्यंत दर मिळाला. यामध्ये मध्यम स्टेपल कापसाला हा सर्वाधिक 07 हजार 100 रुपयांचा दर मिळाला. तर 06 हजार 500 रुपये आणि सरासरी 07 हजार रुपये असा दर 30 ऑक्टोबर रोजी मिळाला.

तर मागील दोन दिवसापूर्वीचाच बाजार भाव 31 ऑक्टोबर रोजी देखील मिळाला. तर 01 नोव्हेंबर रोजी सर्वसाधारण कापसाला 06 हजार 700 रुपये दरवडवणी बाजारात मिळाला. 02 नोव्हेंबर रोजी याच बाजारामध्ये 6700 दर मिळाला. तर आज 3 नोव्हेंबर रोजी समुद्रपूर बाजारात सर्वसाधारण कापसाला 07 हजार रुपयांचा दर मिळाला. कापसाचा हाच बाजारभाव गेल्या काही दिवसांपासून मिळाला आहे.

हमीभावापेक्षा कमीच दर
केंद्र सरकारने एकीकडे यंदा मध्यम स्टेपल कापसाला 07 हजार 121 रुपये अशी किमान आधारभूत किंमत ठरवली आहे. तर लांब स्टेपलर कापसाला 07 हजार 521 रुपये अशी एमएसपी ठरवली आहे. परंतु बाजार समितीमध्ये या दोन्हीपैकी एकही हमीभाव मिळत नाही असे चित्र दिसत आहे .