हवामानावर आधारित मृग बहारातील आठ फळपिकांसाठी पीकविमा योजना राज्य शासनाने जाहीर केली आहे.सहभागी शेतकऱ्यांना ई-पीक नोंदणी सक्तीची करण्यात आली आहे. कृषी संचालक विनयकुमार आवटे यांच्या म्हणण्यानुसार, या योजनेचा लाभ मोसंबी, डाळिंब,संत्रा, पेरू, चिकू, लिंबू, द्राक्ष,सीताफळ, फळबागांना मिळेल.
सापेक्ष आर्द्रता अतिपाऊस, पाऊस खंड, किंवा कमी पाऊस अशा विविध हवामान धोक्यांपासून विमाधारकांच्या फळबागांना विमा संरक्षण मिळणार आहे. २० हेक्टरपेक्षा जास्त उत्पादनक्षम क्षेत्र असलेल्या महसूल मंडलामध्ये ही योजना लागू आहे.
उत्पादनक्षम वय असलेल्या बागेचाच विमा काढण्यात येईल . त्यानुसार लिंबूसाठी चार वर्षे, संत्रा, मोसंबी, पेरू, आंबा, चिकू, काजू बागेचे वय ५ वर्षे,सीताफळासाठी तीन वर्षे तर डाळिंब, द्राक्षासाठी वयोमर्यादा दोन वर्षांची आहे.
योजनेतील सहभाग बिगर कर्जदार किंवा कर्जदार शेतकऱ्यांसाठी ऐच्छिक आहे, www.pmfby.gov.in या विमा संकेतस्थळावर शेतकरी स्वतः अर्ज भरू शकतात, . तसेच गावातील सार्वजनिक सुविधा केंद्रावर (सीएससी) अर्ज भरता येईल.चुकीची माहिती अथवा खोटी कागदपत्रे जोडून देऊन विमा काढल्यास कडक कारवाई केली जाईल , असा इशारा कृषी विभागाने दिला आहे. हा सहभाग विमा योजना भाडेपट्टीने, कुळाने शेती करणाऱ्या शेतकऱ्यांसाठीदेखील उपलब्ध आहे
२५ जूनपर्यंत संत्रा, पेरू, लिंबू व द्राक्षासाठी विमा योजनेत सहभागी होण्याची अंतिम मुदत आहे. ३० जूनपर्यंत मोसंबी व चिकू, १४ जुलैपर्यंत डाळिंब तर सीताफळाच्या बागेचा विमा ३१ जुलैपर्यंत काढता येईल. ३.८० लाख रुपये फळबागांमध्ये सर्वात द्राक्षासाठी जास्त विमा संरक्षण रक्कम आहे. परंतु , यासाठी प्रतिहेक्टरी १९ हजार रुपये विमाहप्ता शेतकऱ्याला भरावा लागेल. तसेच पेरू बागेला सर्वात कमी म्हणजे विमा हेक्टरी साडेतीन हजार रुपये राहील.सर्व फळ पिकांच्या तुलनेत सर्वात कमी विमा आहे. पेरू बागेला ७० हजार रुपयांपर्यंत विमा संरक्षण त्यामोबदल्यात मिळेल.
फळपिकांचे जिल्हे, कंत्राट मिळालेल्या कंपन्या ः
– जळगाव, सिंधुदुर्ग, नांदेड, कोल्हापूर, वर्धा,हिंगोली, यवतमाळ, रत्नागिरी – भारतीय कृषी विमा कंपनी (एआयसी)
– जालना – फ्युचर जनरली इंडिया इन्शुरन्स कंपनी
– ठाणे, पालघर,सातारा, बीड, वाशीम, धुळे, पुणे, सांगली, बुलडाणा, नाशिक, नगर, सोलापूर, लातूर, – बजाज अलियान्झ जनरल इन्शुरन्स कंपनी
– धाराशिव, परभणी, रायगड, नंदुरबार,अमरावती,छत्रपती संभाजीनगर, अकोला, नागपूर, – युनिर्व्हर्सल सोंपो जनरल इन्शुरन्स कंपनी
