शेतकऱ्यांच्या आर्थिक प्रगतीसाठी व शेती क्षेत्राच्या विकासासाठी सरकारकडून किसान सन्मान योजना ,एक रूपयांत पीक विमा, अशा अनेक योजना राबविण्यात येत आहेत. शासन खंबीरपणे शेतकरी बांधवांच्या पाठीशी उभे आहे.वाशीम मधील बाळासाहेब ठाकरे शेतकरी प्रशिक्षण व शेतीमाल विक्री केंद्रामुळे जवळील शेतकऱ्यांच्या शेतीमालाला विक्रीची सुविधा तसेच कृषी उत्पादनांचे मूल्यवर्धन होण्यासाठीही उपयुक्त ठरणार आहे असा विश्वास मुख्यमंत्री एकनाथ शिंदे यांनी यावेळी यांनी व्यक्त केला.
वाशिम जिह्ल्या मध्ये बाळासाहेब ठाकरे शेतकरी प्रशिक्षण व शेतमाल विक्री केंद्राचे लोकार्पण मुख्यमंत्री एकनाथ शिंदे यांच्या हस्ते झाले आहे. त्यावेळी ते बोलत होते. मूल्य साखळी आधुनिक तसेच तंत्रज्ञान विकासाचे प्रशिक्षण केंद्राच्या माध्यमातून देण्यात येणार असून नैसर्गिक व सेंद्रिय उत्पादित शेतकऱ्यांच्या मालाला बाजारपेठ उपलब्ध होण्याच्या दृष्टीने क्लिनिंग, ग्रेडीग, कोल्ड स्टोरेज, पॅकेजिंगची व्यवस्था केंद्राच्या माध्यमातून उपलब्ध करून देण्यात येणार आहे. यामुळे शेतकऱ्यांच्या मालाला चांगली किंमत मिळून त्यांचे आर्थिक उत्पन्न वाढणार आहे.
यावेळी मुख्यमंत्री शिंदे यांच्या हस्ते सेंद्रिय शेतीमालाची विक्री करणाऱ्या रथाला हिरवा झेंडा दाखवला आहे. जिल्हा वार्षिक योजनेतून ५ कोटी ८४ लक्ष निधी या केंद्रासाठी उपलब्ध करून दिला असून, शेतकरी प्रशिक्षण गृह साठी अडीच कोटी रुपये निधीतून देण्यात आले आहे.
केंद्राचा प्रमुख उद्देश आहे कि शेतकऱ्यांना संलग्न विभागाच्या व कृषी विभागाच्या तंत्रज्ञानविषयक गरजेवर आधारित प्रशिक्षण देणे, शेतकऱ्यांच्या नाशवंत असलेल्या शेतमालाला बाजारपेठ उपलब्ध करून देणे . केंद्राची क्षमता ग्रेडिंग अँड पॅकिंग, कोल्ड स्टोरेज ४० मे.टन, प्रीकूलिंग १० मे.टन, रायपेनिंग चेंबर १५ मे.टन, दोन व्यावसायिक गाळे आहेत. जिल्ह्यामधील एकूण ९० शेतकरी उत्पादक कंपनी, दोन हजार दोनशे चौदा शेतकरी उत्पादक गटांची स्थापना केली आहे. याद्वारे ३० हजार २१० शेतकऱ्यांना एकत्रित करण्यात आले आहे.
खासदार भावना गवळी, पाणीपुरवठा व स्वच्छता मंत्री गुलाबराव पाटील, महादेव जानकर, गोपीकिशन बाजोरिया,जिल्हा परिषदेचे अध्यक्ष चंद्रकांत ठाकरे, , जिल्हाधिकारी बुवनेश्वरी एस., पोलीस अधीक्षक अनुज तारे, आमदार ॲड. किरण सरनाईक ,कृषी सहसंचालक किसन मुळे, सहायक जिल्हाधिकारी अपूर्वा बासुर,जिल्हा अधिक्षक कृषी अधिकारी आरिफ शाह, ‘आत्मा’च्या प्रकल्प संचालक अनिसा इस्माईल महाबळे आदी उपस्थित होते.
