सध्या महाराष्ट्रामध्ये ऊन-पावसाचा खेळ सुरू आहे. कधी ऊन तर कधी पाऊस असं वातवरण आहे. येत्या काही दिवसांमध्ये राज्यातील काही भागात तापमानात मोठी वाढ होणार आहे तसेच काही ठिकाणी पावसाची शक्यता आहे. आज, 6 मे रोजी कोकणातील रत्नागिरी आणि सिंधुदुर्ग जिल्ह्यामध्ये हवामान उष्ण आणि दमट राहण्याची शक्यता हवामान खात्याने वर्तवली आहे. रायगडसह सांगली, सोलापूरमध्ये सिंधुदुर्ग ,रत्नागिरी,जिल्ह्यात तापमानामध्ये वाढ होण्याची शक्यता आहे. मराठवाडा आणि विदर्भातील काही जिल्ह्यांमध्ये उष्णतेच्या लाटेसोबतच काही ठिकाणी पावसाची शक्यता आहे.

उष्णतेच्या लाटेमुळे आरोग्याची काळजी घ्या…

महाराष्ट्र आणि गोवा राज्यामध्ये पुढील 24 तासात हवामान कोरडे राहण्याची शक्यता आहे.मराठवाडा आणि विदर्भात काही ठिकाणी 6 मे रोजी हलका पाऊस पडण्याची शक्यता आहे. सिंधुदुर्ग व रत्नागिरी जिल्ह्यातही हवामान कोरडे राहण्याची शक्यता आहे. आज कोकणामध्ये काही ठिकाणी उष्ण आणि दमट हवामान राहील . रायगड आणि रत्नागिरीमध्ये उष्णतेची लाट येण्याची शक्यता आहे.

महाराष्ट्रात आज हवामान कसं असेल?

मध्य महाराष्ट्रातील सांगली आणि सोलापूर जिल्ह्यात काही ठिकाणी उष्णतेची लाट येण्याची शक्यता आहे. मराठवाड्यात 5 मे रोजी लातूर, उस्मानाबाद, नांदेड जिल्ह्यांत तुरळक ठिकाणी उष्णतेची लाट येण्याची शक्यता आहे. दरम्यान, उष्णतेच्या लाटेसोबतच नांदेड जिल्ह्यातही ५ मे रोजी सायंकाळी हलका पाऊस पडण्याची शक्यता आहे. 5 मे रोजी चंद्रपूर,अकोला, विदर्भात, काही ठिकाणी उष्णतेची लाट येण्याची शक्यता आहे. चंद्रपूर, गडचिरोली आणि यवतमाळ या जिल्ह्यांमध्ये 6 मे रोजी वादळ, विजांचा कडकडाट आणि सोसाट्याचा वारा वाहण्याची शक्यता आहे. ताशी 40 ते 50 किमी वाऱ्याचा वेग राहण्याची शक्यता आहे.

मराठवाडा, विदर्भात पावसाची शक्यता…

विदर्भासह मराठवाड्यामध्ये काही ठिकाणी पाऊस पडण्याची शक्यता आहे , असे हवामान खात्याने वर्तवले आहे . पुढील चार ते पाच दिवस विदर्भात आणि संलग्न मराठवाड्यातील जिल्ह्यांमध्ये , काही भागात विजांचा कडकडाट आणि जोरदार वारे वाहण्याची शक्यता असून पावसाचाही अंदाज दिला आहे. तसेच काही ठिकाणी गारपिटी होण्याचीही शक्यता आहे. दरम्यान, काही ठिकाणी तापमानात वाढ होण्याची शक्यता आहे. काही ठिकाणी उष्णतेच्या लाटेचा इशारा देण्यात आला आहे.