kanda bajarbhav : आठवडा संपत आला असताना लासलगाव आणि पिंपळगाव बसवंत या कांदा बाजारात कांद्याचे बाजारभाव जवळपास स्थिर राहिले आहेत. बाजारसमित्यांमधील आकडेवारीनुसार लासलगाव बाजारात साधारणत: बाजारभावात ३ टक्के वाढ दिसून येत आहे. मात्र इतर बाजारात ५ टक्क्यांपर्यंत घसरण असून एकूणच मागच्या आठवड्याच्या तुलनेत कांदा बाजारभाव स्थिर असल्याचे दिसत आहेत.
दरम्यान दिनांक १७ मे २०२५ पर्यंतच्या या आठवड्यात देशातील कांद्याच्या बाजारभावात काही राज्यांमध्ये लक्षणीय घट तर काही ठिकाणी किंचित वाढ झाली आहे. मागील आठवड्याच्या तुलनेत सध्याच्या आठवड्यात देशातील सरासरी कांदा बाजारभाव १४३१.७३ रुपये प्रति क्विंटल इतका असून, हा दर मागील आठवड्यातील १५७०.७९ रुपयांच्या तुलनेत सुमारे ८.८४ टक्क्यांनी घसरला आहे.
या आठवड्यात बाजारभाव वाढलेली राज्ये पाहता, कर्नाटकमध्ये दर ५.९४ टक्क्यांनी वाढून १३४७ वरून १४२७ रुपये झाले. महाराष्ट्रात २.४५ टक्क्यांची वाढ होऊन दर १०२० वरून १०४५ रुपये झाले. दिल्लीमध्ये दर १.९ टक्क्यांनी वाढून ११०४ वरून ११२५ रुपये झाले. तेलंगणामध्ये दर ३.३९ टक्क्यांनी वाढले. उत्तराखंड व पश्चिम बंगालमध्ये सौम्य वाढ नोंदवली गेली.
दुसरीकडे, काही राज्यांमध्ये मोठ्या प्रमाणावर घट झाली आहे. आंध्र प्रदेशमध्ये कांद्याचे दर ३०.९१ टक्क्यांनी घसरले असून दर १००६ वरून ६९५ रुपये झाले. गुजरातमध्ये २३.७१ टक्क्यांची घट झाली असून दर ९३२ वरून ७११ रुपये झाले. छत्तीसगड, मध्य प्रदेश, बिहार, हरियाणा, ओडिशा, राजस्थान व केरळमध्ये देखील दर दहापेक्षा अधिक टक्क्यांनी घसरले आहेत.
महाराष्ट्र, गुजरात, कर्नाटक, उत्तर प्रदेश व दिल्ली या राज्यांतील तीन आठवड्यांचे दर पाहता, महाराष्ट्रात सातत्याने किंचित वाढ दिसून येते – ९९०, १०२० आणि १०४५ रुपये. गुजरातमध्ये दर सातत्याने घटत आहेत – ७६०, ९३२ नंतर ७११ रुपये. कर्नाटकमध्ये आधी थोडी घसरण, आता वाढ – १४७३, १३४७, १४२७ रुपये. उत्तर प्रदेशमध्ये दर कमी होत आहेत – १२५४, १२०४, ११८९ रुपये. दिल्लीत मात्र दरात सातत्याने वाढ – १०७२, ११०४, ११२५ रुपये.
राज्यानुसार या आठवड्यातील सरासरी दर पुढीलप्रमाणे आहेत: आंध्र प्रदेश ६९५, बिहार १४८८, छत्तीसगड १३५९, गुजरात ७११, हरियाणा ९१५, हिमाचल प्रदेश १६७८, जम्मू-काश्मीर १८४९, कर्नाटक १४२७, केरळ २६८३, मध्य प्रदेश ५७५, महाराष्ट्र १०४५, दिल्ली ११२५, ओडिशा २०२२, पंजाब १०७२, राजस्थान ७७२, तमिळनाडू २७०३, तेलंगणा ११३०, उत्तर प्रदेश ११८९, उत्तराखंड ११६०, पश्चिम बंगाल १७२२ रुपये प्रति क्विंटल.
एकंदरीत पाहता, या आठवड्यात कांद्याच्या दरांमध्ये घसरण अधिक असून, केवळ काही राज्यांमध्येच किंचित वाढ दिसून येते. देशभरातील सरासरी बाजारभावातही घट झाली आहे.
(टिप : वरील माहिती कृषी २४ डॉट कॉमचे विशेष अभ्यास फिचर असून कॉपीराईट प्रोटेक्टेड आहे. कुणीही कुठल्याही स्वरूपात अथवा माध्यमात त्याची कॉपी केल्यास कायदेशीर कारवाई केली जाईल.)
