kanda market: आज सोमवारी आठवड्याच्या पहिल्यास दिवशी पुण्यातील पिंपरी बाजारात कांद्याने भाव खाल्लेला दिसून आला. सकाळच्या व्यवहारात या बाजारत कांदयाला २९०० रुपये बाजारभाव मिळाल्याचे स्पष्ट झाले. दरम्यान काल रविवारी पिंपरी बाजारात सरासरी २६०० रुपये प्रति क्विंटल बाजारभाव कांद्याल मिळाले होते. असे असले, तरी संपूर्ण राज्यातील महत्त्वाच्या बाजारात कांदा दर मागच्या आठवड्याच्या तुलनेत काहीसे घसरलेले दिसून आले.
या आठवड्यात कसे असतील भाव
मागच्या आठवड्याच्या तुलनेत सरलेल्या आठवड्यात कांद्याची आवक वाढलेली दिसून आली. मागच्या रविवारच्या तुलनेत काल रविवारी म्हणजेच दिनांक २ फेब्रुवारी रोजी राज्यात कांद्याची एकूण आवक घटून ३८ हजार क्विंटल इतकी झाली. मागच्या रविवारी कांदा आवक ५५ हजार क्विंटल होती. मागच्या सोमवारी लासलगाव बाजारात कांद्याचे बाजारभाव सरासरी २४ रुपये किलो असे होते. मात्र त्यानंतरच्या दिवसात कांदा आवक वाढली आणि बाजारभाव पन्नास पैसे ते एक रुपयांनी घसरून आठवड्याच्या शेवटच्या दिवशी म्हणजेच शनिवारी २१ रुपये प्रति किलो इतके खाली आले. मात्र आज सोमवारी आवक कमी राहिली तर बाजारभाव टिकतील, पण नंतरच्या काळात आवक वाढली, तर ते घसरण्याची शक्यता या क्षेत्रातील जाणकारांनी व्यक्त केली आहे.
दरम्यान मागच्या सोमवारी २७ जानेवारी रोजी राज्यात कांद्याची एकूण आवक ३ लाख ६५ हजार २७२ क्विंटल इतकी होती. मंगळवारी घसरून ती ३ लाख ११ हजार क्विंटलवर आली. बुधवारी २ लाख ७९ हजार क्विंटल, गुरुवारी पुन्हा ३ लाख १८ हजार क्विंटल, शुक्रवारी २ लाख ९१ हजार क्विंटल तर शनिवारी १ लाख ५२ हजार क्विंटल अशी होती.
