kanda bajarbhav : राज्यातील कांदा शेतकऱ्यांना दोन आठवड्यापासून घसरणाऱ्या किंमतींचा दिलासा मिळत असून राज्यात कांद्याच्या किंमती दोन आठवड्यापासून स्थिर असल्याचे दिसत आहे.
या आठवड्यात म्हणजेच ९ ते १२ मे २०२५ या कालावधीत महाराष्ट्रात कांद्याचा सरासरी दर ९९५ रुपये प्रति क्विंटल इतका होता. मागील आठवड्यात म्हणजेच १ ते ८ मे दरम्यान हा दर ९९० रुपये होता. म्हणजेच चालू आठवड्यात केवळ ५ रुपयांची किंचित वाढ झाली आहे. यापूर्वीच्या आठवड्यात म्हणजे २४ ते ३० एप्रिलमध्ये हा दर १०२४ रुपये होता. त्यामुळे गेल्या दोन आठवड्यांमध्ये महाराष्ट्रात दरात सुमारे २.८३ टक्क्यांची घसरण झाली आहे.
महाराष्ट्रातील सध्याच्या दराची तुलना गेल्या वर्षी याच काळाशी केल्यास – म्हणजे ९ ते १५ मे २०२४ मध्ये – तेव्हा दर १३४२ रुपये होते. त्यामानाने यंदा सुमारे २५ टक्के घट झाली आहे.
गुजरातमध्ये मात्र मोठी वाढ नोंदली गेली आहे. चालू आठवड्यात दर ११५२ रुपये होते, जे मागील आठवड्यात ७६० रुपये होते. त्याआधीच्या आठवड्यात हे दर ९१५ रुपये होते. त्यामुळे एक आठवड्यातच ५१ टक्क्यांची वाढ झाली असून, मागील दोन आठवड्यांच्या तुलनेत सुमारे २५ टक्क्यांनी दर वाढले आहेत. मात्र गेल्या वर्षी याच काळात गुजरातमध्ये कांदा दर १२८७ रुपये होते. त्याच्या तुलनेत अद्यापही किंमती १०.४९ टक्क्यांनी कमीच आहेत.
मध्य प्रदेशमध्ये या आठवड्यात दर ७२३ रुपये होते. मागील आठवड्यात ते ७६४ रुपये होते, आणि त्याआधी ७९७ रुपये. दोन आठवड्यांमध्ये जवळपास ९.२८ टक्क्यांची घट झाली आहे. गेल्या वर्षी याच काळात हा दर ९३४ रुपये होता. त्याच्या तुलनेत यंदा सुमारे २२.۵ टक्क्यांची घसरण झाली आहे.
कर्नाटकमध्ये या आठवड्यात कांद्याचा दर १११२ रुपये होता. मागील आठवड्यात तो १४७३ रुपये होता, आणि त्याआधी १३२९ रुपये. त्यामुळे एकाच आठवड्यात २४.५१ टक्क्यांची मोठी घट झाली आहे. मागच्या वर्षी याच वेळी दर १५६९ रुपये होते. म्हणजे यंदा दर सुमारे २९ टक्क्यांनी कमी झाले आहेत.
दिल्लीतील सरासरी दर सध्या ११२२ रुपये आहेत. मागील आठवड्यात ते १०७२ रुपये होते, आणि त्याआधी १११३ रुपये. म्हणजे एका आठवड्यात सुमारे ४.६६ टक्क्यांची वाढ झाली आहे. मात्र गेल्या वर्षी याच काळात हा दर १७९२ रुपये होता, त्यामुळे यंदा दिल्लीमध्ये सुमारे ३७ टक्क्यांनी दर कमी आहेत.
या आठवड्यात देशातील सर्वच राज्यांचा एकत्रित सरासरी दर १५२५ रुपये प्रति क्विंटल आहे. सर्वाधिक दर त्रिपुरा (२८४१ रुपये), केरळ (२६७५ रुपये), मणिपूर (२७८२ रुपये), तमिळनाडू (२७१० रुपये) आणि नागालँड (५००० रुपये) येथे नोंदले गेले आहेत. सर्वात कमी दर मध्य प्रदेश (७२३ रुपये), राजस्थान (८९१ रुपये), महाराष्ट्र (९९५ रुपये), हरियाणा (१०४८ रुपये) आणि पंजाब (१०९२ रुपये) येथे आहेत.
सध्या देशभरातील कांद्याच्या दरात चढ-उतार असून काही राज्यांत मोठ्या प्रमाणात घसरण, तर काही ठिकाणी झपाट्याने वाढ होत आहे. यामागे स्थानिक उत्पादन, साठवणूक स्थिती आणि मागणी-पुरवठ्याचे समीकरण कारणीभूत ठरत आहे.
