राज्यातील सहकारी दूध संघांना दूध घालणाऱ्या उत्पादकांना गाईच्या दुधाला प्रति लिटर पाच रुपये अनुदान देण्याची घोषणा पशुसंवर्धन व दुग्धविकास मंत्री रामकृष्ण विखे पाटील यांनी बुधवारी विधानसभेत केली. हे अनुदान शेतकऱ्यांना देण्यात येणार असून त्यासाठी फॅट एसएनफची मर्यादा ठरविण्यात आल्याचेही त्यांनी सांगितले आहे.
राज्य सरकारने गायीच्या दुधाला प्रतिलिटर 34 रुपये दर द्यावा असे आदेश दिले होते, परंतु काही दूध संघाचे दर 27 ते 28 रुपयांपर्यंत खाली आणले होते. या संदर्भातच भाजपचे जेष्ठ सदस्य हरिभाऊ बागडे, राष्ट्रवादी काँग्रेसचे जयवंत पाटील यांच्यासह अनेक सदस्यांनी आक्रमक भूमिका घेत राज्य सरकारने प्रति लिटर अनुदान जाहीर करावे अशी मागणी लक्षवेधी सूचनेद्वारे केली होती.
यावर उत्तर देताना विखे पाटील यांनी दूध संघांनी 34 रुपये दर देणे बंधनकारकच आहे. त्याशिवाय अनुदानासंदर्भात अधिवेशन संपण्यापूर्वी निर्णय घेतला जाईल, असे जाहीर केले होते त्यानुसार बुधवारी विधानसभेत विखे पाटील यांनी निवेदन केले.
राधाकृष्ण विखे पाटील म्हणाले की दूध व दूध जन्य पदार्थांचे भाव हे प्रामुख्याने मागणी व पुरवठा आणि आंतरराष्ट्रीय बाजारातील दूध भुकटी व बटरचे दर यावर अवलंबून असतात. त्यानुसार आंतरराष्ट्रीय बाजारात दूध भुकटी व बटरचे दर कमी झाल्यास दुधाचे दर कमी होत आहेत. याशिवाय दुधाच्या जास्त उत्पादन काळातही दुधाचे दर कोसळतात ही वस्तुस्थिती आहे . तथापि असे असूनही राज्यातील दूध उत्पादक शेतकऱ्यांचे आर्थिक हित जपण्यासाठी शासन विशेष परिस्थितीत बाजारात हस्तक्षेप करत असून दूध उत्पादक शेतकऱ्यांना न्याय देण्याचा प्रयत्न करत असते. त्याच अनुषंगाने शासनाने यापूर्वी राज्यतील अतिरिक्त दुधाचे नियोजन करण्यासाठी अनुदान योजना राबवली होती. त्यानुसार अतिरिक्त दूध स्वीकारून त्यांचे दूध भुकटी व बटन मध्ये रूपांतर करून अतिरिक्त दुधाचा प्रश्न मार्गी लावला होता.
आवश्यकतेनुसार आढावा घेऊन मुदतवाढ..
डीबीटी करणाऱ्यांसाठी दूध उत्पादक शेतकऱ्यांचे बँक खाते हे त्यांच्या आधार कार्डशी व पशुधनाच्या आधार कार्ड ची लिंक असणे गरजेचे आहे . त्याची पडताळणी करणे आवश्यक राहील ही योजना एक जानेवारी ते 29 फेब्रुवारी 2024 या कालावधीसाठी लागू राहील, यानंतर आवश्यकतेनुसार आढावा घेऊन मुदतवाढ देण्याबाबत निर्णय घेण्यात येईल या संदर्भातील शासन निर्णय लवकरच निर्गमित करण्यात येईल असे विखे पाटील यांनी म्हणाले.
29 रुपये किमान दर…
विखे पाटील म्हणाले की सदर स्थितीत सहकारी दूध संघमार्फत संकलित होणाऱ्या गाईच्या दुधाकरिता दूध उत्पादकास प्रति लिटर पाच रुपये अनुदान देण्यात येईल ही योजना राज्यातील फक्त सहकारी दूध उत्पादक संस्थांमार्फत राबवण्यात येणार आहे. याकरिता सहकारी दूध संघाने दूध उत्पादक शेतकऱ्यांना ३.२ फॅट व ८.३ एसएनएफकरिता प्रति लिटर किमान 29 रुपये दूध दर देणे बंधनकारक आहे.
तसेच ही रक्कम दूध उत्पादक शेतकऱ्यांच्या वैयक्तिक बँक खात्यावर ऑनलाईन पद्धतीने अदा करावी लागणार आहे. त्यानंतर शेतकऱ्यांना शासन मार्फत पाच रुपये प्रतिलिटर बँक खात्यावर वर्ग करण्यात येतील, असेही विखे म्हणाले. यांनी यावेळी सांगितले राज्यातील 72 टक्के दूध खाजगी संस्थांना दिले जाते परंतु सरकारकडून अनुदान फक्त सहकारी दूध संस्थांना दिले जाण्याचा निर्णय घेण्यात आला आहे त्यामुळे बहुतांश दूध उत्पादक शेतकरी वंचित राहणार आहेत सरकारने अनुदान सर्वांना द्यावे- अजित नवले किसान सभा
