डॉ. पंजाबराव देशमुख कृषी विद्यापीठ, अकोलाद्वारे प्रसारित वरील नवीन सोयाबीन वाण हे बियाणे साखळीमध्ये असून विविध बिजोत्त्पादन संस्था जसे की महाबीज, विद्यापीठ, शेतकरी उत्पादक संघटना/कंपनी/गट, निजी संस्था इ. यांच्याकडे विविध दर्जाचे बियाणे उपलब्ध आहे.
महत्वाच्या शिफारसी…
सोयाबीनच्या उत्पादन वाढीसाठी शेतकरी बंधुंसाठी प्रादेशिक संशोधन केंद्र, अमरावतीद्वारे एकुण २६ शिफारसी प्रसारित केल्या आहेत. यापैकी काही महत्वाच्या शिफारसी.
◼️ सोयाबीन पिकाचे जास्त उत्पादन, आर्थिक मिळकत व मुलस्थानी जलसंधारणासाठी पेरणीनंतर अंदाजे ३० दिवसांनी सोयाबीनच्या ३ ओळीनंतर सरी काढावी.
◼️ सोयाबीन पिकाला पाण्याचा ताण सहन करण्याची क्षमता वाढविण्यासाठी कुटाराचे आच्छादन प्रति हेक्टरी ५ टन व मॅग्नेशीयम कार्बोनेट ५% ग्लिसेरोल किंवा ५% किंवा पोटॅशियम नायट्रेट १% या बाष्परोधाकाची फवारणी पिक फुलोऱ्यानंतर पंधरा दिवसांनी करावी.
◼️ जास्त मिळकतीसाठी तसेच सोयाबीन पिकाची अवास्तव कायिक वाढ रोखण्यासाठी वाढ रोधक संजीवके क्लोरोमीक्वाट क्लोराईड १००० पीपीएम (२ मिली प्रती लिटर प्रमाणे) पाण्यात मिसळुन ३०-४० दिवसांनी पेरणीनंतर फवारणी करावी.
◼️ सोयाबीन पिकांचे अधिक उत्पादन व मिळकतीसाठी शिफारशीत शिफारशीत खतांची मात्रा आणि शेंगा धरण्याच्या अवस्थेत २ टक्के डीएपी ची फवारणी करावी किंवा २ टक्के १९:१९:१९ (नत्र, स्फुरद व पालाश) विद्राव्य खताची फवारणी करावी.किंवा खताची मात्रा व २ टक्के युरियाची फवारणी (२ किलो युरीया १०० लिटर पाण्यात), पेरणीनंतर ५० ते ७० दिवसांनी करावी .
◼️ नायट्रोवेन्झिन २०% ५०० पीपीएम (२.५ मिली/लिटर पाणी) फुलांच्या सुरुवातीच्या टप्प्यावर फवारण्याची शिफारस सोयाबीन पिकामध्ये जास्त उत्पादन मिळविण्यासाठी केली जाते.
◼️ सोयाबीनची पेरणी ४५ x १० से. मी. अंतरावर करावी यामुळे सोयाबीन पिकाचे जास्त उत्पादन व आर्थिक उत्पन्न वाढते .
◼️ सोयाबीनच्या पीडीकेव्ही येलो गोल्ड, सुवर्णसोया व पीडीकेव्ही अंवा या वाणापासून विदर्भातील मध्यम खोल काळ्या जमिनीत अधिक उत्पादन व आर्थिक फायद्यासाठी ६२.५ किलो बियाणे प्रती हेक्टरी (कमीतकमी ७० टक्के उगवणशक्तीचे) पेरणी करिता वापरण्याची शिफारस करण्यात आली आहे .
◼️पेरणीनंतर ५५ आणि ७५ दिवसांनी कार्बोक्झिन थायरम (३ ग्रॅम/किलो) किंवा कार्बेन्डाझिम+मॅन्कोझेब (२ ग्रॅम/किलो) आणि त्यानंतर ५५ आणि ७५ दिवसांनी थायोफेनेट मिथाइल ०.१% च्या दोन फवारण्या करण्याची शिफारस शेंगावरील करपा रोगाच्या व्यवस्थापनासाठी केली जाते.
◼️ सोयाबीनच्या मुळकुज/खोडकुज कॉम्प्लेक्स आणि खोडमाशीच्या प्रभावी व्यवस्थापनासाठी थायोफेनेट मिथाइल+पायरोक्लोस्ट्रोविन २ मिली/किलो बियाणे
किंवा ट्रायफ्लॉक्सिस्ट्रोविन+पेनफ्लुफेन १ ग्रॅम/किलो बियाणे या सोबतच थायमिथोक्झाम ६०० एफएस २ मिली/किलो बियाण्याची बीजप्रक्रिया करण्याची शिफारस करण्यात येत आहे.
