Onion rate : आज २३ जानेवारी रोजी राज्यातील बाजार समित्यांमध्ये कांद्याची एकूण १ लाख ८७ हजार क्विंटल आवक नोंदली गेली असून यामध्ये नाशिक जिल्ह्यात लाल कांद्याची सुमारे ९६ हजार क्विंटल आणि पोळ कांद्याची २२ हजार क्विंटल आवक झाली. लासलगाव बाजारात लाल कांद्याला किमान ६०० रुपये तर सरासरी १,४५० रुपये दर मिळाला, तर येवला १,३००, अमरावती १,६००, कळवण व देवळा १,४५०, राहता १,५५० रुपये दर नोंदवले गेले. पुणे मार्केटमध्ये लोकल कांद्याला किमान ५०० आणि सरासरी १,१५० रुपये, इस्लामपूरमध्ये १,७५०, मंगळवेढ्यात १,५००, पिंपळगाव बसवंतमध्ये पोळ कांद्याला १,३७५ रुपये तर मुंबई कांदा बटाटा मार्केटमध्ये सर्वसाधारण कांद्याला सरासरी १,५०० रुपये दर मिळाला, त्यामुळे बाजारात भाव स्थिर ते किंचित मजबूत असल्याचे चित्र दिसून येत आहे.