राज्यात खरीप हंगामाची पूर्वतयारी अवकाळी पावसाच्या आगमनानंतर जोरात सुरू आहे. या पार्श्वभूमीवर, शेतकऱ्यांना कृषी विभागाने आनंदाची बातमी दिली आहे. यंदाच्या खरीप हंगामामध्ये पिकांच्या गरजेपेक्षा अडीच लाख टन जास्त खत उपलब्ध करून देण्यात येणार आहे . यासोबतच, खतांच्या किमतीमध्ये कोणत्याही प्रकारची वाढ करण्यात आली नाही, त्यामुळे शेतकऱ्यांना दिलासा मिळाला आहे.
खतपुरवठा आणि दर:
48 लाख टन खतपुरवठ्याचे नियोजन राज्यात करण्यात आले आहे.
महाराष्ट्राला केंद्र सरकारने 45.53 लाख टन खतपुरवठा द्यायचे मंजूर करण्यात आले आहे .
युरिया, डीएपी, एमओपी, संयुक्त खते आणि एसएसपी यांचा समावेश आहे.
31.54 लाख टन खतसाठा 1 एप्रिल ते 31 मे 2024 पर्यंत उपलब्ध आहे.
केंद्र सरकार युरिया वगळता इतर खतांचे अनुदान देते.
45 किलो प्रतिगोणी युरियाची किंमत 266.50 रुपये आहे.
एमओपी, एनपीके डीएपी, आणि एसएसपी यांच्या किंमती 50 किलो प्रतिगोणी 1350 ते 1700 रुपये पर्यंत आहेत.
युरिया आणि डीएपीचा संरक्षित साठा:
डीएपीचा व युरियाचा संरक्षित साठा करण्यात येणार आहे.
डीएपीचा 25 हजार टन व युरियाचा 1.5 लाख टन साठा उपलब्ध असेल.
कृषी आयुक्तांचे आवाहन:
शेतकऱ्यांना माती परीक्षणानुसार खतांचा संतुलित वापर करण्याचे आवाहन कृषी संचालक (निविष्ठा व गुणनियंत्रण) विकास पाटील यांनी केले आहे.
राज्यातील शेतकऱ्यांना या निर्णयामुळे मोठा फायदा होणार आहे. पिकांना खतांच्या उपलब्धतेमुळे योग्य पोषण मिळेल आणि उत्पादनामध्ये वाढ होण्यास मदत होईल.
