२९ सप्टेंबर पासून डीबीटी द्वारे मुख्यमंत्री माझी लाडकी बहीण योजनेच्या तिसऱ्या हप्त्याचे पैसे लाभार्थ्यांना हस्तांतरित करण्यात येणार आहेत,अशी माहिती महिला व बालविकास मंत्री आदिती तटकरे यांनी दिली. योजनेची आढावा बैठक मंत्रालयात घेण्यात आली .

रायगड जिल्ह्यातील माणगाव तालुक्यात दि. २९ सप्टेंबर २०२४ रोजी मुख्यमंत्री माझी लाडकी बहिण योजनेचा राज्यस्तरीय कार्यक्रम होणार आहे. या कार्यक्रमाच्या नियोजन संदर्भामध्ये आढावा घेण्यात आला.

काय आहे योजना वाचा सविस्तर

■ योजनेचे उदिदष्ट
१) राज्यातील महिला व मुलींना पुरेशा सोयी-सुविधा उपलब्ध करुन देणे तसेच रोजगार निर्मितीस चालना देणे.
२) त्यांचे सामाजिक ,आर्थिक पुनर्वसन करणे.
३) राज्यातील महिलाना आत्मनिर्भर, स्वावलंबी करणे.
४) राज्यातील महिलांना व मुलींना सशक्तीकरणास चालना देणे.
५) महिला आणि त्यांच्यावर विसंबून असलेल्या मुलांचे पोषण ,आरोग्य स्थितीमध्ये सुधारणा करणे.

■ योजनेचे स्वरुप
प्रत्येक पात्र महिलेला दरमहा रु.१५००/- इतकी रक्कम आधार लिंक असलेल्या बँक खात्यामध्ये DBT द्वारे वितरित करण्यात येणार आहे.