राज्यामध्ये विविध भागात पावसाने हजेरी लावलेली आहे. मुंबईमध्ये कालपासून पावसाचा जोर वाढला आहे. राज्यातील सोलापूर, वाशिम, पुणे छत्रपती संभाजी नगर, वसई विरार ,पालघर कोल्हापूर, या ठिकाणी पावसानं जोरदार हजेरी लावली आहे.
दरम्यान मुंबई ,पुण्यात मुसळधार पावसाचा इशारा देण्यात आला आहे ,तर काही जिल्ह्यांमध्ये पुढील पाच दिवस ऑरेंज अलर्ट जारी करण्यात आलेला आहे, पुणे, नाशिक ,सातारा, मध्ये मुसळधार पावसाचा अंदाज हवामान खात्याने वर्तवलेला आहे. रत्नागिरी तसेच रायगड मध्ये देखील ऑरेंज अलर्ट जारी करण्यात आला आहे.
तसेच अति मुसळधार पावसाची देखील शक्यता वर्तवलेली आहे. रायगड मध्ये पुढील चार दिवस पावसाचा ऑरेंज अलर्ट जारी करण्यात आलेला आहे. मुंबईमध्ये सोमवारी पावसाचा यलो अलर्ट जारी करण्यात आलेला आहे .मुंबईत मुसळधार पावसाची शक्यता आहे.
मराठवाड्यामध्येही पावसाचा जोर पाहायला मिळेल.कोकणात आणि विदर्भात काही दिवस मुसऴधार ते अतिमुसऴधार पावसाचा इशारा देण्यात आला आहे. भारतीय हवामानशास्त्र पुणे विभागाचे प्रमुख के एस होसळीकर यांनी याबाबतची माहिती दिली.
