हवामान खात्याच्या ताज्या अपडेटनुसार पुन्हा एकदा लोकांना उष्णतेपासून दिलासा मिळणार आहे. अहवालानुसार मध्य भारत, दक्षिण भारत, पूर्व भारत, उत्तर पश्चिम भारत आणि पश्चिम भारतात मेघगर्जनेसह पाऊस पडू शकतो. महाराष्ट्रात आजपासून पुढील 1 आठवडा उष्णता आणि उन्हापासून दिलासा मिळणार आहे. रिपोर्टनुसार, पुढील 2 आठवडे आकाश ढगाळ राहील आणि पाऊस पडण्याची शक्यता आहे.

IMD नुसार, आज मध्य प्रदेश, विदर्भ आणि छत्तीसगडच्या काही भागात गारपीट होण्याची शक्यता आहे. त्याचबरोबर पुढील ५ दिवस येथे मेघगर्जनेसह हलका ते मध्यम पाऊस पडू शकतो. याशिवाय जोरदार वारे वाहण्याची शक्यता आहे. दक्षिण भारताबद्दल बोलायचे झाल्यास, आंध्र प्रदेश, तेलंगणा, अंतर्गत कर्नाटक, तामिळनाडू, पुद्दुचेरी, कराईकल आणि केरळमध्ये पुढील 5 दिवसांत वादळी वाऱ्यासह पाऊस आणि मेघगर्जनेसह पाऊस पडण्याची शक्यता आहे.

आज म्हणजेच 27 एप्रिल ते 30 एप्रिल दरम्यान केरळ, कर्नाटक, तेलंगणा आणि आंध्र प्रदेशच्या वरच्या भागात मुसळधार पावसाची शक्यता आहे. यासह 26 आणि 27 एप्रिल रोजी तेलंगणा आणि उत्तर कर्नाटकात विविध ठिकाणी गारपीट होण्याची शक्यता आहे.

IMD नुसार, गुजरात, मध्य महाराष्ट्र आणि मराठवाडमध्ये मेघगर्जनेसह हलका पाऊस पडण्याची शक्यता आहे. आज आणि उद्या मध्य महाराष्ट्राच्या काही भागात गारपीट होण्याची शक्यता आहे. पुढील तीन दिवस मराठवाड्यात असेच हवामान राहण्याची शक्यता आहे.

स्कायमेटचा रिपोर्ट काय म्हणतो?

हवामान अंदाज एजन्सी स्कायमेटच्या मते, पुढील 24 तासांत पश्चिम हिमालयात हलक्या ते मध्यम पावसाची शक्यता आहे. जम्मू-काश्मीर, हिमाचल प्रदेश आणि उत्तराखंडच्या उंच भागातही हिमवर्षाव होऊ शकतो. याशिवाय विदर्भ, तेलंगणा, दक्षिण छत्तीसगड आणि मराठवाडा, आंध्र प्रदेश, तामिळनाडू आणि केरळमध्ये एक-दोन ठिकाणी हलका ते मध्यम पाऊस पडण्याची शक्यता आहे.

source:- timesnowmarathi